"Paxtakor"ning sobiq futbolchisi Zurab Tsereteli xotirasiga bag'ishlangan yulduz Tbilisidagi shon-shuhrat xiyobonida ochildi.
Sentyabr oyida Tbilisida joylashgan Mixail Mesxi nomli stadionda bir qator mashhur futbolchilarning shon-shuhrat xiyoboni ochildi. Unda turli davrlarda o'ynagan mashhur futbolchilar xiyobonlari ishga tushirilgan. Ular qatorida jamoamizning sobiq o'yinchisi Zurab Tsereteli xiyoboni ham ochilgan.
Tsereteli 1979 yil aviahalokatdan keyin "Paxtakor"ga yordam berish maqsadida tarkibga jalb etilgan. U jamoaga halokatda hayotdan ko'z yumgan do'stlari xotirasi uchun kelganini ko'p takrorlab o'tgan. Zurab Tsereteli 45 uchrashuvda jamoamiz uchun 6 to'p kiritgan. 1981 yil uning "Paxtakor"dagi faoliyati yakunlangan va muxlislar so'nggi o'yinda uni olqishlar bilan kuzatib qo'yishgan.
O'tgan yili Gruziya sport delegatsiyasining mamlakatimizga tashrifi doirasida Tseretelining qizi Anna yurtimizda bo'lib, otasining Mixail An va Vladimir Fyodorov bilan do'st bo'lganini aytib o'tgandi.
1992 yil 8 yanvarda Tsereteli Gruziyada avtohalokatda vafot etgan. 38 yoshda vafot etgan bo'lishiga qaramay, Zurab Gruziya va O'zbekistonda ishqibozlar mehrini qozonishga ulgurgandi.
— deya xabar beradi uff.uz nashri.