Londonning “Arsenal” klubi o'ng qanot himoyachisi Mate Debyushi bosh murabbiy Arsen Venger bilan suhbat o'tkazgach, yanvarda “Emireyts”ni tark etishi to'liq oydinlashgan. 30 yoshli futbolchi asosiy tarkibdagi o'rin uchun kurashda 20 yoshli ispan Ektor Beleringa yutqazib qo'ydi va Dide Desham tomonidan Evro-2016 musobaqasiga Frantsiya terma jamoasiga chaqirilishi gumon ostiga qo'yilmoqda. Shu sabab Debyushi qishki transferlar mavsumi vaqtida jamoasini o'zgartirishi mumkin. Himoyachining xizmatlariga “Roma” va “Lion” klublari jiddiy tarzda qiziqishmoqda. Joriy mavsumda Debyushi “Arsenal” safida barcha musobaqalarda atigi 7ta o'yinda maydonga tushgan.
— deya xabar beradi uff.uz nashri.