Madridning "Real" jamoasi yarim himoyachisi Toni Kroos "Liverpul" klubi rahbariyatining qiziqishlari doirasiga kirgan. Bu haqida Goal.com portali ma'lumot berdi. 25 yoshli germaniyalik futbolchini "qizillar" ustozi Yurgen Kloppning shaxsan o'zi tarkibga jalb qilinishini istamoqda. Transfer qishki xaridlar mavsumi vaqtidayoq amalga oshishi mumkin. Xabar qilinishicha, xavbek madridlilarning amaldagi ustozi Rafael Benitesning ishidan norozi va klubni tark etmoqchi. Joriy mavsumda Kroos "Real" tarkibida 20ta o'yinda maydonga tushib, 4ta golli uzatmaga mualliflik qilgan.
— deya xabar beradi uff.uz nashri.