1 yanvar kuni Toshkentda yig'ilgan O'zbekiston U-23 terma jamoasi bugun Dubaydagi o'quv-mashg'ulot yig'iniga otlanadi. Bu haqida O'FFning tvitterdagi rasmiy sahifasida xabar berilgan.
Eslatib o'tamiz, O'zbekiston Olimpiya terma jamoasi Qatarda bo'lib o'tadigan Osiyo chempionatiga tayyorgarlik ko'rmoqda. Ushbu musobaqa doirasida Olimpiada yo'llanmalari taqdiri ham hal qilinadi. Bunga qadar esa Dubayda ikki marta yig'in tashkil etilgan va 5 ta o'rtoqlik o'yini o'tkazilgan edi.
Dastlabki yig'inda BAAning “Ajman” klubi 4:0 hisobida mag'lub etilgan bo'lsa, Yaponiyaga qarshi kechgan bahs 0:0 ko'rinishida durang bilan yakunlangan. Ikkinchi safar doirasida esa KXDR olimpiya terma jamoasi 4:2 hisobida taslim qilindi. So'ngra Suriyaga qarshi kechgan bahs 0:1 hisobida boy berilgan bo'lsa, oxirgi nazorat o'yinida Qatar olimpiyachilari mag'lub etildi – 2:0.
— deya xabar beradi uff.uz nashri.