Jahonga mashhur bo'lgan futbolchilarning nikoh to'ylari haqidagi hikoyamizning 2-qismini sizga taqdim etamiz.
2004 yilgi «Oltin to'p» sohibi Andrey Shevchenko «Milan»da o'ynab yurgan kezlari bo'ydoqlik hayoti bilan xayrlashgandi. 2001 yilning 14 iyulida Andrey uchun uning hayotidagi eng unutilmas voqealardan biri ro'y berdi. Futbolchi amerikalik Kristen Pazik bilan oila qurdi. AQSh poytaxti Vashingtonda o'tkazilgan nikoh marosimi kichik davrada o'tkazildi va kelin-kuyov uni keng jamoatchilikka taqdim etishmadi. «Men nikoh to'yim haqida gapirib berishni xohlamadim va uni ommadan qattiq sir tutishga majbur bo'ldim. Kristen bilan nikoh marosimimiz 14 iyul kuni Vashingtondagi Munitsipalitetda o'tkazildi», - deydi Shevchenko.
2007 yilning 16-17 iyun kunlarida Angliya terma jamoasining bir yo'la 4 futbolchisi bo'ydoqlik hayoti bilan xayrlashishdi. Birinchi bo'lib Vudstokda «Chelsi» sardori Jon Terri va uning suyuklisi Toni Pul nikohdan o'tishdi. 300 ga yaqin mehmon ishtirok etgan nikoh marosimi Angliya terma jamoasi himoyachisiga deyarli 2 million dollarga tushdi.
Davomi Furqat Yusupov blogida.
— deya xabar beradi uff.uz nashri.