"Liverpul" klubi sobiq yarim himoyachisi Jeymi Karrager "Arsenal" yarim himoyachisi Mesit O'zil hozircha klub tarixida qolishdan yiroqda ekanini aytib o'tdi. Eslatib o'tamiz, Germaniya terma jamoasi yarim himoyachisi Angliya chempionati birinchi davrasida 16 ta golli uzatmani amalga oshirib, "Arsenal"ga birinchi o'rinda bo'lib turishga katta hissa qo'shgan edi.
"Arsenal" 2016 yilga etakchilar qatorida kirdi va bunga asosiy sabab sifatida O'zilni ko'rsatish lozim.
Birinchi davradagi 16 ta golli uzatma, ajoyib natija. Premer ligada hali hech kim bunday natijaga yaqin ham kelmagan edi. Menimcha kimdir O'zilni endi Dennis Bergkamp bilan solishtira boshlasa ham kerak. Hatto uni Bergkampdan ustun qo'yayotganlar ham topilmoqda. Ammo menimcha ularni solishtirish ahmoqlikdan o'zga narsa emas.
Bergkam ko'plab medallar yutib olgani uchun ham klub tarixiga kirgan. U Londonning shimoliga fantastik futbol keltirgan edi. Agar O'zil ham shunday o'ynashda davom etsa va jamoaga chempionlik keltirsa, u ham muxlislar nazdida afsonaga aylanishi mumkin.
Ammo hozircha u hal qiluvchi o'yinlarda u qadar yaxshi o'ynay olmayapti va Bergkamp bilan solishtirishni ortga surishga to'g'ri keladi", - deydi Jeymi Karrager.
— deya xabar beradi uff.uz nashri.