O'zbekiston Olimpiya terma jamoasi Dubayda bo'ladigan yig'in doirasida Xitoy va Iordaniya olimpiyachilariga qarshi o'rtoqlik o'yini o'tkazishi rejalashtirilgan. Bu haqida O'FF rasmiy sayti xabar tarqatgan edi.
Rejaga ko'ra, 4 yanvarda Xitoy olimpiya terma jamoasiga qarshi maydonga tushilsa, 6 yanvarda Iordaniya bilan kuch sinashish lozim. Eslatib o'tamiz, bunga qadar O'zbekiston olimpiya terma jamoasi 5 ta o'rtoqlik o'yini o'tkazgan edi.
Dastlabki o'yinda BAAning “Ajman” klubi 4:0 hisobida mag'lub etilgan bo'lsa, Yaponiyaga qarshi kechgan bahs 0:0 ko'rinishida durang bilan yakunlangan. Ikkinchi safar doirasida esa KXDR olimpiya terma jamoasi 4:2 hisobida taslim qilindi. So'ngra Suriyaga qarshi kechgan bahs 0:1 hisobida boy berilgan bo'lsa, oxirgi nazorat o'yinida Qatar olimpiyachilari mag'lub etildi – 2:0.
— deya xabar beradi uff.uz nashri.