Joze Mourino har doim jamoaga kelib futbolchilarni almashtirishni, jamoa o'yinini o'zgartirishni yaxshi ko'radi. "Chelsi"dagi 2,5 yil davomida u jamoadagi juda ko'p "yulduz"larga chiqish eshiklarini ko'rsatib qo'ydi. Futbolchilarning jamoadan ketishiga turli sabablar bo'lgani aniq. Quyida biz "Chelsi"ni tark etgan eng kuchli 10 futbolchi bilan tanishib o'tamiz.
Petr Chex
Mourinyu Chexning jamoadan ketishini xohlamadi. Lekin Kurtua jamoada asosiy tarkibda to'p surganidan keyin top-darvozabon o'ziga boshqa jamoa topishga qaror qildi. Yakunda "Arsenal" unga ega chiqdi. Bu transfer jamoaga ancha arzonga tushdi. (10 mln funt)
David Luiz
Himoyachi Mourino bilan kelisha olmadi. Yakunda esa «PSJ» 50 mln funt evaziga ajoyib himoyachiga ega bo'ldi.
Felipe Luis
«Atletiko»da ajoyib damlarni o'tkazgan o'yinchi, "Chelsi"da o'zini ko'rsata olmadi. Jamoa uning hizmatlaridan voz kechdi
Rayan Bertran
"Chelsi" tarbiyalanuvchisi 7 marta ijaraga berib yuborilgan. Tajribasi oshgach jamoada o'ynagan. Chempionlar Ligasidagi o'yini ham unga jamoada qolishi uchun yordam bera olmadi. «Sautgempton» safiga o'tgach ajoyib himoyachiga aylandi.
Kevin de Bryuyne
Mourinoning eng katta xatolaridan biri. Murabbiy uni ruhiy jihatdan etuk o'yinchi emas deb baholadi, lekin unday bo'lib chiqmadi. «Volfsburg»ga sotib yuborilgan o'yinchi bir yildan so'ng Bundesliganing eng yaxshi o'yinchisi deb topildi. U Angliya ga qaytdi, faqat boshqa klubga "Manchester siti" ga...
Xuan Mata
Mourino kelguncha u ikki yil davomida "Chelsining" eng yaxshi o'yinchisi" xisoblanib kelardi. Ispan o'yinchisining o'yin uslubi mos kelmadi shekilli, uni sotib yuborishga qaror qildi. Hozirda uning "MYu" safida qanday o'ynayotgani barchangizga ma'lum.
Muxammad Salax
De Bryuyne va Mata sotib yuborilgach, jamoaga Muhammad Salax olib kelindi.
Azar, Villian, Oskar kabi buyuk o'yinchilar bilan raqobatga bardosh bera olmadi. «Roma» jamoasida ijara asosida o'ynayotgan o'yinchini endi "Roma" klubi xohlasa sotib olishi mumkin. Bunday huquq shartnomada belgilab qo'yilgan
Andre Shyurrle
Mourinoning eng omadsiz transferi. Uning o'yinlari ko'pchilikni ranjitdi deb bo'lmaydi. Ammo jamoa murabbiyi uning hizmatlaridan voz kechdi. Hozirda «Volfsburg» safida ajoyib o'yin ko'rsatmoqda.
Xuan Kuadrado
Yana bir vinger, Mourinoning yana bir xatosi. Kolumbiyalik futbolchi uchun 23 mln funt sarflandi. Lekin u jamoada o'ynab keta olmadi.
Romelu Lukaku
«Everton» jamoasi bu o'yinchining naqadar istedodli ekanligini anglab etyabdi. "Chelsi" mutasaddilari ham qanday futbolchidan ajralganini tushunib etishayotgandir.
Umuman olganda "SIMPLE ONE" "O'zgacha" murabbiy o'zi boshqaruvga kelgan jamoada o'zgarish qilishni juda yoqtiradi. Bu o'zgarish qaysidir ma'noda foyda ham keltiradi. Biroq bu o'zgarishlar bu yilgi "Chelsi"ning inqiroziga olib keldi. Endi bu klubdan hech kim qo'rqmayapdi. Ko'ramiz voqelar rivoji qanday bo'larkin...
Profutbol.Uz blogidan olindi.
— deya xabar beradi uff.uz nashri.