Yana 10 kundan keyin Qatar davlatida 23 yoshgacha bo'lgan yoshlar o'rtasidagi Osiyo chempionati boshlanadi. Yaxshi bilasiz, unda Samvel Babayan boshchiligidagi O'zbekiston Olimpiya terma jamoasi ham ishtirok etadi.
Futbolchilarimiz "S" guruhida Iroq, Janubiy Koreya va Yaman yoshlari bilan o'zaro kurash olib borishadi. Musobaqaning ikki finalchisi va 3-o'rin sohibi shu yili Rio-de-Janeyroda o'tadigan Yozgi Olimpiada o'yinlariga yo'llanmani qo'lga kiritadi.
O'zbekiston terma jamoasi oldida ham shunday vazifa bor. Albatta, yarim finalga chiqish ham oson ish emas, ammo uni uddalash mumkin. Zero, termamizning mana shu tarkibi eng kuchli futbolchilar bilan to'lgan va ulardan haqli ravishda Rio chiptasini talab qila olamiz. Agar bordi-yu, futbolchilarimiz shu vazifani uddalashsa, ishonchimiz komilki, ulardan ayrimlari Evropa chempionatlariga o'tib ketishlari turgan. Sababi, hozirgi kunda bironta ham katta musobaqalarda sovrindor bo'lgan terma jamoa futbolchilari e'tibordan chetta qolmayapti.
Umid qilamiz, futbolchilarimiz shu vazifani bajarishadi.
— deya xabar beradi uff.uz nashri.