Qatar poytaxti Doha shahrida boks bo'yicha o'tkazilayotgan Jahon chempionatida yana bir sportchimiz chorak finalga chiqdi.
Eng og'ir vazn toifasida Vatanimiz sharafini himoya qilayotgan Bahodir Jalolov (+91 kg) kubalik Linier Pero ustidan 2:1 hisobida g'alaba qozonib, o'zbekning mard bahodiri ekanligini amalda yana bir bora isbotladi.
Endi Bahodir 10 oktyabr kuni o'tkaziladigan chorak finalda iordaniyalik Husayn Ishaish bilan bahs yuritadi. Iordaniyalik sportchi bugun bo'lib o'tgan nimchorak finalda gruziyalik Mixail Baxtidzeni mag'lub etdi.
Shu tariqa, yarim final yo'llanmasi uchun kechadigan bahslarda 7 nafar hamyurtimiz ringga ko'tariladi. Bular, Murodjon Ahmadaliev (-56 kg), Elnur Abduraimov (-60 kg), Fazliddin G'oipnazarov (-64 kg), Bektemir Meliqo'ziev (-75 kg), Elshod Rasulov (-81 kg), Rustam To'laganov (-91 kg) va Bahodir Jalolovlar (+91 kg).
Barcha sportchilarimizga bo'lajak janglarda ham omad va zafarlar tilab qolamiz. Shavkat Jalilov
Manzil: O'zbekiston Milliy Olimpiya qo'mitasi matbuot xizmati

— deya xabar beradi uff.uz nashri.