O'zbekiston olimpiya terma jamoasi bugun Dubayda Xitoyga qarshi o'rtoqlik o'yini o'tkazdi va mag'lubiyatga uchradi.
Uchrashuvda xitoylik olimpiyachilar ikkita gol urishgan. Dastlab birinchi bo'limda Xie Pengfei hisobni ochgan bo'lsa, ikkinchi bo'limning 78 daqiqasida Lui Bin Bin jamoasining ikkinchi golini kiritdi.
Eslatib o'tamiz, Samvel Babayan boshchiligidagi O'zbekiston olimpiya terma jamoasi Qatarda bo'lib o'tadigan Osiyo chempionatiga tayyorgarlik ko'rmoqda. Tayyorgarlik doirasida shuningdek indinga Iordaniya olimpiya terma jamoasiga qarshi nazorat o'yini o'tkazilishi rejalashtirilgan. Mazkur o'yindan keyin vakillarimiz Osiyo chempionatida ishtirok etish uchun Qatar poytaxti Doha shahriga uchib ketishadi.
Eslatib o'tamiz, terma jamoamiz Janubiy Koreya, Iroq va Yaman termalari bilan bir guruhdan joy olgan.Osiyo chempionatini Olimpiya terma jamoamiz 13 yanvar kuni Janubiy Koreya termasiga qarshi o'yin bilan boshlaydi.
O'rtoqlik o'yini
O'zbekiston U-23 - Xitoy U-23 - 0:2
Gollar: Xie Pengfei 30, Lui Bin Bin 78
— deya xabar beradi uff.uz nashri.