Tavsiya qilamiz:
UzBARCA.COM - FC Barcelona Muxlislar sayti !!!
" Real madrid " muxlislari sayti !!!
"FUTBOL TV " Yangiliklar !!
" Real madrid " muxlislari sayti !!!
"FUTBOL TV " Yangiliklar !!
«Arsenal»ning chempion bo'lishining 5ta sababi (InterFUTBOL blogi)
Kuzning dastlabki kunlari, yozgi transferlar oynasi rasman yopilgan pallalarda barchaning diqqat-e'tibori David de Xeaning Ispaniya poytaxtiga ko'chib o'tmaganiga qaratildi. Shunday holatda «Arsenal» ajabtovur fakt bilan ajralib turdi: «to'pchilar» darvozadan boshqa chiziqqa futbolchi sotib olishmadi.
Mavjud vaziyat londonliklarni «kuchli beshlik» chempionatlaridagi betakror klubga aylantirdi. Yagona xarid - Petr Chex esa mahalliy jurnalistlarning g'azabiga duchor bo'ldi. Britaniya matbuoti Arsen Vengerning yangi mavsumda ham ijrochilar etishmasligidan nolishini taxmin qilib, uni tanqidlarga ko'mdi. Frantsiyalik mutaxassis esa nima sababdan hujum chizig'ini yulduz futbolchi evaziga kuchaytirilmagani bilan bog'liq savollarni javobsiz qoldirdi. Zero, tumanli o'lkada hozirgi paytda o'zining sermahsulligi bilan ajralib turuvchi Olive Jiruga o'rtacha darajadagi forvard sifatida qarashadi.
Masofa ekvatori yaqinlashmoqda, demak, hozirgi natijalar kim aslida haq bo'lganini ko'rsatadi: Vengermi yoki uning tanqidchilari? Statistik ma'lumotlarga bir qur nazar tashlang. «Arsenal» turli omillarga ko'ra APL etakchilaridan biri sanaladi. Ehtimol, qaysidir jabhalarda raqiblaridan ortda qolayotgandir, ammo bu shunchaki kichik tafovut, xolos.
Ushbu jadvalda ko'rsatilgan aksariyat ko'rsatkichlar «Arsenal»ning hujum va qarshi hujumda benazir ekanligidan dalolat bermoqda. Nahotki bu yangilik bo'lsa? Yanada ahamiyatlisi, «to'pchilar» himoyani ham sozlashni uddaladilar. APLning sobiq yulduzlari, hozirda televizion ekspert sifatida faoliyat yuritayotganlar ko'pincha Loran Koselnini o'rnak olsa arzigulik himoyachilar qatoriga qo'shishmoqda. Hattoki, Rio Ferdinand ham ligadagi eng yaxshi himoya xususida fikr yuritarkan, frantsiyalik ampluadoshini e'tirof etdi. Shunday ekan, Petr Chexning qo'lga kiritilishi Vengerning himoyadagi kamchilikni to'la bartaraf etishiga zamin hozirladi. Chexiyalik posbon joriy mavsumdagi 18ta uchrashuvning 9tasida darvozasi daxlsizligini saqlab qola bildi va shu tariqa Devid Jeymsning APLdagi «quruq o'yinlar» borasidagi rekordini yangiladi. «Arsenal» kiperlari 170ta bahsda to'p o'tkazib yuborishmagan, buning uchun esa ular Angliya elitasida 350 marta maydonga tushishdi. Umuman, Jeymsga o'z nomini turnir tarixi zarvaraqlariga bitish uchun 223ta uchrashuvda o'ynash talab etilgandi.
Demak, «Arsenal»ning chempionlik poygasidagi ustunliklariga nazar tashlaymiz. Garchi 18-turda ular safarda «Sautgempton»ga yirik (0:4) hisobda yutqazishgan bo'lsada, bu natija «to'pchilar»ning imkoniyatiga ortiqcha ta'sir ko'rsatmasligi tayin.
1. Tarixga nazar
Yodingizda bo'lsa, «Manchester Siti»ning taslim etilishi (2:1) londonliklarga Rojdestvo bayrami arafasida turnir jadvalining ikkinchi o'rnini taqdim etgandi. E'tiborlisi, so'nggi ikkita chempionlik qo'lga kiritilgan davrlar - 2001|2002 hamda 2003|2004 yillar mavsumida «to'pchilar» 25 dekabrga kelib aynan peshqadamdan bir pog'ona past-da joylashishgandi. O'z navbatida, «Arsenal» oxirgi oltita «oltin»ga aynan shunday holatdan so'ng erishgandi.
Shunday ekan, «Emireyts» muxlislari Yangi yilni qanday tilaklar bilan qarshilashganini taxmin qilish qiyin emas.
2. Teran tarkib
«Arsenal»ning jarohatlardan eng ko'p jabr ko'ruvchi klub ekaniga qarshi o'laroq, joriy mavsum jamoa shifokorlari biroz e'tibordan chetda qolishmoqda. To'g'ri, Sanches, Kasorla, Uilshir, Arteta, Uelbek hamda Koklen hamon davolanishmoqda, ularning «to'pchilar» tizimida etakchilardan ekanliklari ham muhokama qilinmaydi. Ammo bu futbolchilarning yo'qligi jamoa o'yini va natijalarga jiddiy ta'sir o'tkazmayapti.
Britaniyadagi bukmekerlik idoralaridan biri Arsen Venger kelganidan buyon «Arsenal» o'yinchilarining necha marotaba jarohat orttirib olganliklarini hisob-kitob qildi. Natija esa dahshatli: 11 yil ichida 831ta lat eyish holati kuzatilgan. O'rtacha hisobda yiliga 73ta, har besh kunda bitta jarohat degani. Tahlilchilar shu bilan kifoyalanishmadi va «Arsenal» «jabrdiydalari»ni boshqa jamoalardagilar bilan solishtirishdi. Yakun aniq: London klubi futbolchilari ko'proq jarohat olishadi.
Joriy mavsumda Arsen Venger shogirdlarining sog'lig'iga boshqacharoq yondashmoqda. Frantsiyalik mutaxassisni jarohatlar aslo cho'chitmayapti, yomon natijalarda mazkur holatni sabab sifatida ko'rsatmayapti. 66 yoshli murabbiy muammoga qarshi o'ziga xos chora izlab topdi. Endilikda Venger matbuot anjumanlarida asosiy urg'uni boshqa narsaga qaratmoqda: jarohatlanganlarning nomini aytib, asosiy futbolchilarning yo'qligidan nolimay, aksincha, ixtiyoridagi o'yinchilardan qanday foydalanayotganini ta'kidlamoqda. «Man Siti»ga qarshi bahsda Ozilning sherigi - Aleksis Sanches o'ynamadi, biroq «Arsenal» baribir, barqarorlikni namoyish eta bildi.
3. Assist-mashina
Mesut Ozil hozir o'zining ajoyib formasiga ega. Germaniyalik yarim himoyachi deyarli har hafta sheriklarini o'ta chiroyli «pas»lar bilan ta'minlamoqda. «To'pchilar»ning asosiy pleymeykeri samarali uzatmalar borasida nafaqat premer-liga, balki Evropada ham etakchilik qilmoqda.
Hozirgi Ozil - Sesk Fabregasning o'tgan mavsumdagi nusxasi. To'g'ri, «Chelsi» a'zosi chempionat yakunigacha bir xil maromni saqlab qola bilmadi: ispaniyalik yarim himoyachi turnir oxirida so'ngandek tuyuldi, zero «ko'klar»ning chempionligi deyarli aniq bo'lib ulgurgandi. Agar Mesut hozirgi barqarorligini saqlab qolsa, Terri Anrining APLdagi aniq to'p uzatmalar borasidagi rekordini bir mavsumning o'zida yangilashi mumkin. «Arsenal» afsonasi 2003|2004 yillar mavsumida 20ta aniq «pas» bilan ajralib turgandi.
Davomi InterFUTBOL gazetasi blogida.
— deya xabar beradi uff.uz nashri.
Mavjud vaziyat londonliklarni «kuchli beshlik» chempionatlaridagi betakror klubga aylantirdi. Yagona xarid - Petr Chex esa mahalliy jurnalistlarning g'azabiga duchor bo'ldi. Britaniya matbuoti Arsen Vengerning yangi mavsumda ham ijrochilar etishmasligidan nolishini taxmin qilib, uni tanqidlarga ko'mdi. Frantsiyalik mutaxassis esa nima sababdan hujum chizig'ini yulduz futbolchi evaziga kuchaytirilmagani bilan bog'liq savollarni javobsiz qoldirdi. Zero, tumanli o'lkada hozirgi paytda o'zining sermahsulligi bilan ajralib turuvchi Olive Jiruga o'rtacha darajadagi forvard sifatida qarashadi.
Masofa ekvatori yaqinlashmoqda, demak, hozirgi natijalar kim aslida haq bo'lganini ko'rsatadi: Vengermi yoki uning tanqidchilari? Statistik ma'lumotlarga bir qur nazar tashlang. «Arsenal» turli omillarga ko'ra APL etakchilaridan biri sanaladi. Ehtimol, qaysidir jabhalarda raqiblaridan ortda qolayotgandir, ammo bu shunchaki kichik tafovut, xolos.
Ushbu jadvalda ko'rsatilgan aksariyat ko'rsatkichlar «Arsenal»ning hujum va qarshi hujumda benazir ekanligidan dalolat bermoqda. Nahotki bu yangilik bo'lsa? Yanada ahamiyatlisi, «to'pchilar» himoyani ham sozlashni uddaladilar. APLning sobiq yulduzlari, hozirda televizion ekspert sifatida faoliyat yuritayotganlar ko'pincha Loran Koselnini o'rnak olsa arzigulik himoyachilar qatoriga qo'shishmoqda. Hattoki, Rio Ferdinand ham ligadagi eng yaxshi himoya xususida fikr yuritarkan, frantsiyalik ampluadoshini e'tirof etdi. Shunday ekan, Petr Chexning qo'lga kiritilishi Vengerning himoyadagi kamchilikni to'la bartaraf etishiga zamin hozirladi. Chexiyalik posbon joriy mavsumdagi 18ta uchrashuvning 9tasida darvozasi daxlsizligini saqlab qola bildi va shu tariqa Devid Jeymsning APLdagi «quruq o'yinlar» borasidagi rekordini yangiladi. «Arsenal» kiperlari 170ta bahsda to'p o'tkazib yuborishmagan, buning uchun esa ular Angliya elitasida 350 marta maydonga tushishdi. Umuman, Jeymsga o'z nomini turnir tarixi zarvaraqlariga bitish uchun 223ta uchrashuvda o'ynash talab etilgandi.
Demak, «Arsenal»ning chempionlik poygasidagi ustunliklariga nazar tashlaymiz. Garchi 18-turda ular safarda «Sautgempton»ga yirik (0:4) hisobda yutqazishgan bo'lsada, bu natija «to'pchilar»ning imkoniyatiga ortiqcha ta'sir ko'rsatmasligi tayin.
1. Tarixga nazar
Yodingizda bo'lsa, «Manchester Siti»ning taslim etilishi (2:1) londonliklarga Rojdestvo bayrami arafasida turnir jadvalining ikkinchi o'rnini taqdim etgandi. E'tiborlisi, so'nggi ikkita chempionlik qo'lga kiritilgan davrlar - 2001|2002 hamda 2003|2004 yillar mavsumida «to'pchilar» 25 dekabrga kelib aynan peshqadamdan bir pog'ona past-da joylashishgandi. O'z navbatida, «Arsenal» oxirgi oltita «oltin»ga aynan shunday holatdan so'ng erishgandi.
Shunday ekan, «Emireyts» muxlislari Yangi yilni qanday tilaklar bilan qarshilashganini taxmin qilish qiyin emas.
2. Teran tarkib
«Arsenal»ning jarohatlardan eng ko'p jabr ko'ruvchi klub ekaniga qarshi o'laroq, joriy mavsum jamoa shifokorlari biroz e'tibordan chetda qolishmoqda. To'g'ri, Sanches, Kasorla, Uilshir, Arteta, Uelbek hamda Koklen hamon davolanishmoqda, ularning «to'pchilar» tizimida etakchilardan ekanliklari ham muhokama qilinmaydi. Ammo bu futbolchilarning yo'qligi jamoa o'yini va natijalarga jiddiy ta'sir o'tkazmayapti.
Britaniyadagi bukmekerlik idoralaridan biri Arsen Venger kelganidan buyon «Arsenal» o'yinchilarining necha marotaba jarohat orttirib olganliklarini hisob-kitob qildi. Natija esa dahshatli: 11 yil ichida 831ta lat eyish holati kuzatilgan. O'rtacha hisobda yiliga 73ta, har besh kunda bitta jarohat degani. Tahlilchilar shu bilan kifoyalanishmadi va «Arsenal» «jabrdiydalari»ni boshqa jamoalardagilar bilan solishtirishdi. Yakun aniq: London klubi futbolchilari ko'proq jarohat olishadi.
Joriy mavsumda Arsen Venger shogirdlarining sog'lig'iga boshqacharoq yondashmoqda. Frantsiyalik mutaxassisni jarohatlar aslo cho'chitmayapti, yomon natijalarda mazkur holatni sabab sifatida ko'rsatmayapti. 66 yoshli murabbiy muammoga qarshi o'ziga xos chora izlab topdi. Endilikda Venger matbuot anjumanlarida asosiy urg'uni boshqa narsaga qaratmoqda: jarohatlanganlarning nomini aytib, asosiy futbolchilarning yo'qligidan nolimay, aksincha, ixtiyoridagi o'yinchilardan qanday foydalanayotganini ta'kidlamoqda. «Man Siti»ga qarshi bahsda Ozilning sherigi - Aleksis Sanches o'ynamadi, biroq «Arsenal» baribir, barqarorlikni namoyish eta bildi.
3. Assist-mashina
Mesut Ozil hozir o'zining ajoyib formasiga ega. Germaniyalik yarim himoyachi deyarli har hafta sheriklarini o'ta chiroyli «pas»lar bilan ta'minlamoqda. «To'pchilar»ning asosiy pleymeykeri samarali uzatmalar borasida nafaqat premer-liga, balki Evropada ham etakchilik qilmoqda.
Hozirgi Ozil - Sesk Fabregasning o'tgan mavsumdagi nusxasi. To'g'ri, «Chelsi» a'zosi chempionat yakunigacha bir xil maromni saqlab qola bilmadi: ispaniyalik yarim himoyachi turnir oxirida so'ngandek tuyuldi, zero «ko'klar»ning chempionligi deyarli aniq bo'lib ulgurgandi. Agar Mesut hozirgi barqarorligini saqlab qolsa, Terri Anrining APLdagi aniq to'p uzatmalar borasidagi rekordini bir mavsumning o'zida yangilashi mumkin. «Arsenal» afsonasi 2003|2004 yillar mavsumida 20ta aniq «pas» bilan ajralib turgandi.
Davomi InterFUTBOL gazetasi blogida.
— deya xabar beradi uff.uz nashri.
Bosh sahifaga
324