"Inter" klubi va Italiya terma jamoasi sobiq himoyachisi Marko Materatstsi "Real"dan Rafael Benites iste'foga chiqarilgani haqida fikr bildirdi.
"Men Benitesning iste'fosi haqida oldindan aytgan edim. Faqat sanasida adashibman.
Agarda futbolchilar bilan muloqot qilishni bilmasang, uzoqqa bora olmaysan. Kuchli shaxslar bilan ishlashni bilmasang, hech qanday muvaffaqiyatga erishib bo'lmaydi.
Chunki maydonda aynan ular senga yordam beradi. Madrid - juda og'ir klub va bu erda faqat prezidentning yordami etarli bo'lmasligi turgan gap.
Benites hech qachon o'zgarmaydi. U har doim bir xil muammolarga duch kelib yuradi. U "Real"ga kelgach, jamoa etakchisi bo'lgan Ronaldu bilan munosabatlarni yo'lga qo'yish o'rniga Beyl bilan yaqinlashishni boshladi. Yana o'sha xatolar.
U "Inter"da Zanetti, Kambyasso va Ivan Kordoba bilan muloqot qilar, ammo nima uchundir Kivuni mutlaqo nazarga ilmas edi. Shu xatolari tufayli jamoadan ketgan.
Zidanga keladigan bo'lsak, unga oson bo'lmasligi turgan gap. Chunki superyulduzlardan 2, 3 kun o'tmay natija talab qilishni boshlaydilar. Men har qanday kinoyani chetga surib, unga va Solariga omad tilayman", - deydi Materatstsi.
— deya xabar beradi uff.uz nashri.