“Metallurg” jamoasining so'nggi yillardagi to'purari Shahzodbek Nurmatov o'z faoliyatini mamlakatimizning etakchi jamoalaridan biri – “Bunyodkor”da davom ettirishni lozim topdi. Poytaxtliklar tarkibida sermahsul hujumchiga ehtiyoj tug'ilganligi bois ular Sh.Nurmatov bilan bog'lanishdi va ijobiy javobni olishdi. Osiyo Chempionlari ligasida mamlakatimiz sharafini himoya etishi kutilayotgan klubdagi faoliyatida «Metallurg» Shahzodga omad tilaydi va o'z navbatida “Metallurg”dagi samarali faoliyati uchun minnatdorchilik bildiradi.
O'tgan mavsum Ma'mur Ikromov xuddi shu yo'lni tanlagandi. Garchi “Metallurg” bilan xayrlashgan bo'lsa-da, bekobodliklar yil davomida Ikromovga ham ichki, ham xalqaro maydonlardagi o'yinlarida muxlislik qilishgandi. Endilikda Sh.Nurmatovning ham xalqaro arenalarda raqiblar darvozasini ishg'ol etishini va butun o'zbekistonlik ishqibozlarni xursand etishini tilaymiz.
“Metallurg”ning bu yilgi yig'inlarida shuningdek Sh. Norbekov, A.Ziyovuddinov hamda M.Akbarovlar ishtirok etishmayapti. Shohnazar kelgusi faoliyatini yaqin xorij – Qozog'iston chempionatida davom ettiradigan bo'ldi. Alisher hamda Mirto'ra esa oliy liga klublarida paydo bo'lishi kutilmoqda.
— deya xabar beradi uff.uz nashri.