Oliy liganing 25-turidan o'rin olgan “Nasaf” – “Neftchi” uchrashuvida jamoamizning etakchisi Artur Gevorkyan ishtirok eta olmaydi. "Nasaf" sardori Artur Gevorkyan ayni vaqtda Turkmaniston terma jamoasi bilan birgalikda JCh-2018 saralash bosqichi doirasidagi Guamga qarshi o'yinga tayyorgarlik ko'rmoqda. Turkmaniston terma jamoasi JCh-2018 saralash bosqichi doirasidagi 4-tur o'yinida Hindiston terma jamoasiga qarshi maydonga tushdi va 2:1 hisobida g'alaba qozondi. Ushbu bellashuvda Artur Gevorkyan 90 daqiqa harakat qildi va uchrashuv so'nggida zaxiraga olindi. Shuningdek, Artur Gevorkyan Hindiston terma jamoasi bilan bo'lgan bahsda hakam tomonidan ogohlantirildi. Endilikda Turkmaniston terma jamoasi 13 oktyabr kuni Guam bilan bahs olib boradi. Shundan so'ng Artur Gevorkyan jamoa lageriga kelib qo'shiladi. Eslatib o'tamiz, “Neftchi“ga qarshi birinchi davra o'yinida aynan Artur Gevorkyanning yagona goli "Nasaf"ga muhim g'alabani taqdim etgandi.
— deya xabar beradi uff.uz nashri.