Angliyaning "Stok Siti" klubi hamda Avstriya terma jamoasi hujumchisi Marko Arnautovich Parijning "PSJ" jamoasi rahbariyatining qiziqishlari doirasiga kirgan. Bu haqida Goal.com portali ma'lumot berdi. Xabar qilinishicha, poytaxtlik klub skautlari muntazam ravishda "Stok"ning o'yinlariga tashrif buyurishmoqda va futbolchini kuzatib borishyapti. Aytish joizki, inglizlar futbolchi bilan 2017 yilning yozida nihoyasiga etadigan amaldagi shartnomani uzaytirish borasida kelisha olishmayapti. Joriy mavsumda Arnautovich APLning 19ta o'yinida ishtirok etib, 7ta gol hamda uchta golli uzatmaga mualliflik qilgan.
— deya xabar beradi uff.uz nashri.