"Uotford" klubi hujumchisi Odion Igalo hozircha jamoasini o'zgartirmoqchi emasligi, ammo, kelajakda "Manchester Yunayted"da o'ynash istagi borligi haqida gapirib o'tdi. - Italiya yoki Ispaniyaga ko'chib o'tishim haqida mish-mishlar ko'p, ammo men u erlarda o'ynaganman. Hozir mening maqsadim – Angliyada o'ynash. "Uotford"ni yaqin orada tark etmasam kerak, ammo "MYu"ning taklifini bajonudil qabul qilgan bo'lardim. Bu mening vevimli jamoam. Men Endi Koul va Duayt Yorkning o'yinini tomosha qilishni xush ko'rardim. Ular mening yoqtirgan futbolchilarim edi, "Old Trafford" esa mening orzuim, - deya Igaloning so'zlarini keltiradi The Sun nashri. Aytish joizki, joriy mavsumda 26 yoshli nigeriyalik futbolchi 20ta o'yinda 14 gol kiritgan.
— deya xabar beradi uff.uz nashri.