Kuni kecha EVO va “Qo'qon-1912” jamoalar o'rtasidagi yangi bitim imzolandi. Demak, yangi mavsumda ham jamoa liboslarida EVO yozuvi bo'ladi. Bu haqida klubning tvitterdagi rasmiy sahifasida ma'lum qilingan.
Ma'lumki, “Qo'qon-1912” jamoasi so'nggi yillarda EVO bilan hamkorlik qilib kelayotgandi. Ushbu an'ana yana davom etadigan bo'ldi. “Qo'qon-1912” O'zbekistonda birinchilardan bo'lib shaxsiy homiy titulini o'z futbolkasiga joylashtirgan klub sanaladi. Tezkor internet provayderi bo'lgan “EVO”, jamoaning titul homiysi bo'lib qolmoqda.
Ko'plab klublarimiz davlat tomonidan ajratiladigan homiyni o'z futbolkalarida reklama qiladi. “Qo'qon-1912” esa qo'shimcha tarzda “EVO” bilan shartnoma tuzib uni targ'ib qilmoqda.
— deya xabar beradi uff.uz nashri.