“Bunyodkor”ning OChL-2016 “pley-off” bosqichidagi raqibi Dubayning “Al-Shabab” klubi mana to'rtinchi o'yindirki g'alaba qozona olmayapti.
Bungacha “Fujayra” va “Al-Vasl” bilan durang qayd etib, “Al-Dafra”ga imkoniyatni boy bergan dubayliklar BAA chempionatining 14-turida “Al-Sharja”dan mag'lub bo'lishdi – 1:2.
Uchrashuvdagi hisobni 58-daqiqada “Al-Shabab”ning chililik legioneri Karles Vilyanueva ochdi. Lekin 71-daqiqada Rashid Nosir o'rtadagi muvozanatni tikladi. Hakam tomonidan qo'shib berilgan ikkinchi daqiqada Vanderley “Al-Shabab” darvozasini ishg'ol qilib, “Al-Sharja”ga irodali g'alaba keltirdi.
14 uchrashuvda 20 ochko jamg'argan Kaio Junior boshchiligidagi “Al-Shabab” musobaqa jadvalining 6-pog'onasida bormoqda.
BAA chempionati, 14-tur
7 yanvar, payshanba
“AL-ShARJA” – “AL-ShABAB” 2:1
Gollar: Vilyanueva 58 (0:1), Rashid Nosir 71 (1:1), Vanderley 90+2 (2:1)
“Al-Shabab” tarkibi: 18.Salim Abdulla, 3.Muhammad Ali, 4.Muhammad Marzuq, 7.Azizbek Haydarov, 9.Jo (30.Muhammad Juma 87), 10.Karles Vilyanueva, 11.Enrike Luvannor, 15.Davud Ali (77.Rashid Hasan 72), 25.Mahmud Qosim, 26.Hasan Ibrohim, 70.Ahmad Sulaymon (29.Abdulrahim Husayn 46)
— deya xabar beradi uff.uz nashri.