"Chelsi" yarim himoyachisi Eden Azar jamoadan ketishga qaror qildi. O'z navbatida klub rahbariyati 25 yoshli futbolchi uchun 90 million funt talab qilmoqda.
Azar bilan "Real" va "PSJ" qiziqish bildirmoqda. Ammo madridliklar hali rasmiy taklif bilan chiqqanicha yo'q, parijliklar esa Azar uchun ikki barobar kamroq mablag' taklif qilishgan.
Shunga qaramay Azar uchun asosiy da'vogar "Real" klubi bo'lib turibdi. Madridliklar bosh murabbiyi Zayniddin Zidan ilgari ham ikki marta Azarni sotib olishga urinib ko'rgan edi. Shu sababli yozda yana bir bor taklif bilan chiqishi kutilmoqda.
O'z navbatida Azar ham Zidanni o'zining eng suyukli futbolchisi bo'lganini ta'kidlagan. Hozircha yarim himoyachi kelajagi borasida qaror qabul qilganicha yo'q. Bu holat "Chelsi"ga kim yangi bosh murabbiy etib tayinlanishiga bog'liq.
— deya xabar beradi uff.uz nashri.