"Barselona" hujumchisi Luis Suares Ispaniya Kubogi 1/8 finalida "Espanol"ga qarshi kechgan uchrashuvda (4:1) raqib yarim himoyachisi Papakuli Diop bilan dahanaki jang qilib olgan edi.
"Espanol" klubi tomonidan ta'kidlanishicha, Suares Diopni irqchilik ruhiyatida haqorat qilgan. Shundan so'ng Diop o'zini tutib tura olmagan va qizil kartochka olib, maydondan chetlatilgan.
Eslatib o'tamiz, Suaresning faoliyatida bunga o'xshash holat ilgari ro'y bergan edi. U "Liverpul" safida to'p surgan vaqtlarda "Manchester Yunayted" himoyachisi Patris Evrani haqorat qilgan va 8 o'yinga chetlatilgandi.
— deya xabar beradi uff.uz nashri.