Afrika futbol konfederatsiyasi 2015 yilning eng yaxshi futbolchilari nomini ma'lum qildi. Unga ko'ra Dortmundning "Borussiya" klubi hujumchisi Per-Emerik Obameyang 143 ochko jamg'argan ko'yi qit'aning eng yaxshi futbolchisi deb tan olingan.

Ikkinchi o'rin "Manchester Siti" yarim himoyachisi Yahyo Turega nasib etgan. Uchinchi o'rinda "Suonsi" hujumchisi Andre Ayyu o'rin oldi.

Eng yaxshi yosh futbolchi esa Nigeriya o'smirlar terma jamoasi hujumchisi Viktor Osimxen bo'ldi. Afrikada o'ynayotgan eng yaxshi futbolchi sifatida esa Tanzaniyada to'p surayotgan Mbvana Samatta tan olingan.

Afrikaning eng yaxshi murabbiyi Kot-D'Ivuar terma jamoasi sobiq ustozi Erve Renar bo'ldi.
— deya xabar beradi uff.uz nashri.