Frantsiya terma jamoasining mashhur yarim himoyachilaridan bo'lgan Klod Makelele "Monako" klubi texnik direktori etib tayinlandi. "Real", "Chelsi" va "PSJ"da to'p surgan sobiq futbolchi endi "Monako" mutasaddisi sifatida faoliyat yuritadi.
"Frantsiya va Evropada tanilgan klubda ish boshlaganimdan xursandman. Klub vitse prezidenti Vadim Vasilev bu ishga o'tishga meni ko'ndirdi.
Bu faoliyatimda yangi qadam bo'ldi. Bu lavozim menga juda mos keladi. Klub oldiga qo'yilgan vazifalarni bajarishda bor kuchim bilan harakat qilaman", - deydi Makelele.
— deya xabar beradi uff.uz nashri.