"Valensiya" klubi "Milan" yarim himoyachisi Keysuke Xonda uchun 5 million evro to'lashga roziligini bildirdi.
Milanliklar ham o'z navbatida 29 yoshli futbolchi bilan hayrlashishga qarshi emas. Yaponiya terma jamoasi futbolchisi klub rahbariyati sha'niga salbiy fikrlar bildirgan edi.
Eslatib o'tamiz, Xonda "Milan"ga erkin agent maqomida tekinga o'tgan edi. Joriy mavsumda u Italiya chempionatida 4 ta o'yinda maydonga tushdi, ammo biror marta golli vaziyatda ishtirok etmadi. Biroz vaqt muqaddam Xondaga ingliz klublari ham qiziqish bildirayotgani aytilgan edi.
— deya xabar beradi uff.uz nashri.