Yangi mavsumdan boshlab PFL reglamentiga ko'ra xorijlik darvozabonlar xizmatidan foydalanish ta'qiqlandi.  Shu sababli, "Neftchi" rossiyalik mohir darvozabon Evgeniy Cheremesin bilan xayrlashgach, yangi darvozabon qidirishga kirishgan edi.
Bir necha kundan buyon Qirgulidagi yig'inda ishtirok etayotgan iqtidorli O'tkir Yusupov 8 yanvar oqshomida rasman "Neftchi" bilan shartnoma imzoladi. Ayni paytda "Neftchi" jamoasining asosiy darvozaboniga bo'lishga Abdumavlon Abdujalilov va O'tkir Yusupov da'vogar bo'lib turishibdi. Bosh murabbiy Andrey Fyodorovning fikricha, asosiy darvozabon masalasi hali hamon mavhum. Murabbiyga ko'ra, bu boradagi yakuniy qarorni "Neftchi" jamoasining darvozabonlar murabbiyi qabul qiladi.
"Neftchi" PFK matbuot xizmati.

— deya xabar beradi uff.uz nashri.