Tavsiya qilamiz:
UzBARCA.COM - FC Barcelona Muxlislar sayti !!!
" Real madrid " muxlislari sayti !!!
"FUTBOL TV " Yangiliklar !!
" Real madrid " muxlislari sayti !!!
"FUTBOL TV " Yangiliklar !!
Olimpiya termasi tarkibidan ko'ngil to'qmi? (InterFUTBOL blogi)
O'zbekiston olimpiya terma jamoasi Qatarda o'tadigan Osiyo chempionati oldidan tayyorgarlikni obdon maromiga etkazdi. Har holda, buning uchun etarlicha sharoit yaratildi, yig'inlar tashkil etildi va o'rtoqlik o'yinlari o'tkazildi. Jamoa avvaliga 2-14 dekabrda Dubayda o'quv-mashg'ulot yig'ini olib borgan bo'lsa, keyin 19dan 28 dekabrgacha mashg'ulotlarni yana BAAda davom ettirdi. Orada Toshkentga kelib-ketganlarini ham ta'kidlab o'tsak, demak tayyorgarlik maromida bo'lgan...
RAQIBLAR
Dubaydagi yig'inlarga murojaat qilsak, umumiy hisobda beshta o'rtoqlik o'yini o'tkazilganini ko'rish mumkin. Dastlabki yig'inda BAAning «Ajman» klubi 4:0 hisobida mag'lub etildi, Yaponiyaga qarshi kechgan bahs durang bilan yakunlandi - 0:0.
Ikkinchi safar doirasida esa dastlab KXDR olimpiyachilari 4:2 hisobida taslim qilindi. So'ngra Suriyaga qarshi kechgan bahs 0:1 hisobida boy berilgan bo'lsa, oxirgi nazorat o'yinida Qatar olimpiyachilari mag'lub etildi - 2:0. Aynan shu uchrashuvlar orqali Olimpiada yo'llanmasi uchun kurashadigan 23 futbolchi tanlab olindi va rasman ma'lum qilindi.
Ammo bu hali hammasi emas. Samvel Babayan shogirdlari Yangi yilni nishonlab olgach, Qatar sari yo'l oladilar va 4 yanvarda Xitoy, 6 yanvarda esa Iordaniya bilan nazorat uchrashuvi o'tkazadilar. Bu o'yinlar ham qit'a birinchiligi oldidan foydali bo'lishi, shubhasiz. Olimpiyachilarimiz Doxada o'tadigan musobaqaning guruh bosqichida Janubiy Koreya, Iroq va Yaman bilan kurash olib borishadi. Demak, shunga yarasha tayyorgarlikni ham jiddiy olib borish maqsadga muvofiq. Chunki o'rtaga Olimpiada yo'llanmasi qo'yilgan.
Xo'sh, Olimp tog'iga chiqish uchun kurashda Samvel Babayan kimlarga ishonch bildirishi mumkin? InterFutbol tahririyati o'tkazilgan o'rtoqlik o'yinlaridan kelib chiqib, bu borada o'z xulosasini chiqaradi.
DARVOZA
Qatarda bo'lib o'tadigan Osiyo chempionatiga O'zbekiston olimpiya termasi safida uch nafar darvozabon yo'l oladi - Abdumavlon Abdujalilov («Neftchi»), Asilbek Omonov («Paxtakor») va Javohir Ilyosov («Mash'al»). Musobaqa oldidan o'tkazilgan o'rtoqlik o'yinlariga nazar tashlasak, murabbiylar shtabi ko'proq Abdujalilovga ishonch bildirganini ko'rish mumkin.
Abdumavlon o'tkazilgan beshta nazorat uchrashuvining to'rttasida asosiy tarkibda maydonga tushgan. Bu esa ko'p narsani anglatadi. Yaxshi bilamiz, o'rtoqlik o'yinlarida murabbiylar shtabi barcha futbolchilarni sinovdan o'tkazishga harakat qiladilar. Ammo ilk daqiqadan maydonga tushadiganlar odatda, asosiy tarkib futbolchisi bo'ladi. Bu jihatdan olib qarasak, Abdujalilovda qit'a chempionatida ham asosiyda bo'lish imkoniyati ko'proq.
Ancha tajribali Asilbek Omonov esa faqat Yaponiyaga qarshi kechgan bahsda asosiy tarkibda o'ynagan. Qolgan uchrashuvlarda esa ikkinchi bo'limda darvozani himoya qilgan. Shunday ekan, Samvel Babayan unga ikkinchi darvozabon sifatida qarayotganini taxmin qilish mumkin. «Mash'al» posboni Javohir Ilyosovning esa faqat favqulodda holatda Osiyo chempionatida o'ynashini kutish mumkin. Boisi, bu darvozabon faqat bir uchrashuv, u ham bo'lsa, «Ajman»ga qarshi dastlabki o'rtoqlik o'yinida zaxiradan maydonga tushirilgan, xolos.
HIMOYa
Himoyachilar borasida esa vaziyat shundayki, hali musobaqa boshlanmay ikki futbolchini yo'qotishga ulgurdik. O'FF matbuot xizmati tomonidan xabar qilinishicha, «Lokomotiv» himoyachisi Bobur Yo'ldoshev va «Nasaf»ning universal futbolchisi Odil Hamrobekov sog'liq borasida yuzaga kelgan muammo tufayli qit'a birinchiligiga bormaydigan bo'lishdi. Umuman, bu futbolchilarga O'zbekistonda futbol o'ynashdan vaqtincha tiyilish ham tavsiya qilingan.
Agarda ushbu ikki o'yinchining o'z klubida muntazam ravishda asosiy tarkibga kirib borayotgani va yoshlar terma jamoasida ham o'z o'rniga ega ekanini e'tiborga olsak, bu katta yo'qotish ekani, shubhasiz. Boz ustiga, himoya - terma jamoamizning eng zaif chiziqlaridan hisoblanayotgan hozirgi vaqtda...
Ayni damda tarkibdagilar qayd etgan statistikadan xulosa chiqaradigan bo'lsak, Maksimilian Fomin barcha o'rtoqlik o'yinlarini asosiy tarkibda boshlaganini ta'kidlab o'tish lozim. Shuningdek, Muhsin Ubaydullaev va Javlon Mirabdullaevlar to'rtta o'yinda shunday imkoniyatga ega bo'lishgan. Sardor Rahmonov va Akrom Komilovlar esa ikki o'yinni ilk daqiqalardan boshlaganlar. Nima uchundir Samvel Babayan Vladimir Kozakning xizmatiga juda kam murojaat qilgan. «Paxtakor»ning yosh, ammo ko'p yillik tajribaga ega futbolchisi faqat bir o'yinda, u ham bo'lsa, «Ajman»ga qarshi kechgan uchrashuvni ilk daqiqalardan boshlagan. Balki Kozakda biror jarohat bordir, bunisi bizga qorong'u. Har qanday vaziyatda ham, umid qilamizki, Vladimir bu musobaqada jamoaga qo'lidan kelgan barcha yordamni bera oladi. Zero, uning tajribasi bizga asqotishi turgan gap.
YaRIM HIMOYa
Terma jamoaning yarim himoya chizig'i haqida so'z yuritilar ekan, eng avvalo, bir fakt e'tiborimizni tortdi: so'nggi yillarda yoshlar futbolida so'zsiz etakchilardan bo'lib kelgan Abbos Maxstaliev negadir Osiyo chempionatida ishtirok etishga munosib ko'rilmadi. Aftidan, «Neftchi»ning hujumkor yarim himoyachisi oliy ligada ishonchli o'yin namoyish etayotgan va nihoyat, yoshlardan kattalar futboli sari o'tib olganini isbotlayotgandek ko'rinsa-da, qaysidir jihati bilan terma jamoa murabbiylar shtabi ishonchini oqlay olmadi, shekilli. Abbos Dubayda o'tkazilgan dastlabki yig'inda ishtirok etdi va «Ajman» hamda Yaponiya olimpiya terma jamoasiga qarshi kechgan uchrashuvlarda zaxiradan maydonga tushirildi. Ammo u namoyish etgan o'yin murabbiylarni qanoatlantirmadi va ikkinchi yig'inga hatto taklif etilmadi ham. Shunday ekan, Osiyo chempionati uchun e'lon qilingan tarkibda Maxstalievning yo'qligi u qadar hayratlanarli voqeaga aylanmadi. Abbos o'z vaqtida o'zbek futbolining eng umidli yoshlaridan bo'lganini nazarda tutsak, bu ancha yoqimsiz holat. Umid qilamizki, iqtidorli futbolchi xatolardan to'g'ri xulosa chiqarib, avvalgi saviyasiga qayta oladi.
O'z navbatida, yarim himoya borasida kishini xursand qiladigan yangilik ham bor. Jamshid Boltaboev nihoyat, uzoq davom etgan jarohatdan tiklanib, terma safiga qaytdi. Albatta, hozircha u asosiy tarkibda o'ynashga tayyor emas, ammo yosh futbolchining murakkab jarayondan o'tib olgani kishini xursand qiladi. Jamshid Qatar va Yaponiyaga qarshi kechgan uchrashuvlarda zaxiradan maydonga tushdi va bir bo'lim o'ynadi. Boltaboev himoya, yarim himoya va hujumda birdek harakatlana olishini nazarda tutsak, bunday universal futbolchining tarkibda bo'lishi murabbiylar shtabi uchun katta yutuq bo'lishi turgan gap.
Endi asosiy tarkibda maydonga tushishi mumkin bo'lgan nomzodlarga to'xtalib o'tsak. Samvel Babayan Dubayda o'tkazilgan beshta o'rtoqlik uchrashuvining barchasida Otabek Shukurov va Dostonbek Hamdamovlarga to'liq ishonch bildirdi. Bu esa ko'p narsadan dalolat beradi. Babayan bilan uzoq yillar davomida birga ishlab kelayotgan Javohir Sohibov va Jamshid Iskanderovlar esa 4 o'yinni asosiy tarkibda boshlaganlar. Ammo bitta uchrashuvda ular mutlaqo maydonga tushmaganlar. Bu bahs Yaponiyaga qarshi kechgan edi (0:0). Aftidan, o'sha uchrashuvda murabbiylar shtabi jiddiy raqibga qarshi etakchilarsiz o'ynab ko'rishni sinovdan o'tkazishgan shekilli.
Demak, Osiyo chempionatida O'zbekiston Olimpiya terma jamoasi yarim himoyasi asosan, Hamdamov-Shukurov-Iskanderov-Sohibov kvartetidan tashkil topishini taxmin qilish mumkin. Voqealar rivoji qanday tus olishiga qarab asosiy tarkibda Ikrom Aliboev, Xusniddin G'ofurov, Jaloliddin Masharipov va Jahongir Abdumo'minovlar paydo bo'lishlari ham mumkin. Ammo hozircha bu futbolchilarning asosan zaxiradan maydonga tushib, o'yinni kuchaytirishda yordam berishlari kutilmoqda.
Davomi InterFUTBOL gazetasi blogida.
— deya xabar beradi uff.uz nashri.
RAQIBLAR
Dubaydagi yig'inlarga murojaat qilsak, umumiy hisobda beshta o'rtoqlik o'yini o'tkazilganini ko'rish mumkin. Dastlabki yig'inda BAAning «Ajman» klubi 4:0 hisobida mag'lub etildi, Yaponiyaga qarshi kechgan bahs durang bilan yakunlandi - 0:0.
Ikkinchi safar doirasida esa dastlab KXDR olimpiyachilari 4:2 hisobida taslim qilindi. So'ngra Suriyaga qarshi kechgan bahs 0:1 hisobida boy berilgan bo'lsa, oxirgi nazorat o'yinida Qatar olimpiyachilari mag'lub etildi - 2:0. Aynan shu uchrashuvlar orqali Olimpiada yo'llanmasi uchun kurashadigan 23 futbolchi tanlab olindi va rasman ma'lum qilindi.
Ammo bu hali hammasi emas. Samvel Babayan shogirdlari Yangi yilni nishonlab olgach, Qatar sari yo'l oladilar va 4 yanvarda Xitoy, 6 yanvarda esa Iordaniya bilan nazorat uchrashuvi o'tkazadilar. Bu o'yinlar ham qit'a birinchiligi oldidan foydali bo'lishi, shubhasiz. Olimpiyachilarimiz Doxada o'tadigan musobaqaning guruh bosqichida Janubiy Koreya, Iroq va Yaman bilan kurash olib borishadi. Demak, shunga yarasha tayyorgarlikni ham jiddiy olib borish maqsadga muvofiq. Chunki o'rtaga Olimpiada yo'llanmasi qo'yilgan.
Xo'sh, Olimp tog'iga chiqish uchun kurashda Samvel Babayan kimlarga ishonch bildirishi mumkin? InterFutbol tahririyati o'tkazilgan o'rtoqlik o'yinlaridan kelib chiqib, bu borada o'z xulosasini chiqaradi.
DARVOZA
Qatarda bo'lib o'tadigan Osiyo chempionatiga O'zbekiston olimpiya termasi safida uch nafar darvozabon yo'l oladi - Abdumavlon Abdujalilov («Neftchi»), Asilbek Omonov («Paxtakor») va Javohir Ilyosov («Mash'al»). Musobaqa oldidan o'tkazilgan o'rtoqlik o'yinlariga nazar tashlasak, murabbiylar shtabi ko'proq Abdujalilovga ishonch bildirganini ko'rish mumkin.
Abdumavlon o'tkazilgan beshta nazorat uchrashuvining to'rttasida asosiy tarkibda maydonga tushgan. Bu esa ko'p narsani anglatadi. Yaxshi bilamiz, o'rtoqlik o'yinlarida murabbiylar shtabi barcha futbolchilarni sinovdan o'tkazishga harakat qiladilar. Ammo ilk daqiqadan maydonga tushadiganlar odatda, asosiy tarkib futbolchisi bo'ladi. Bu jihatdan olib qarasak, Abdujalilovda qit'a chempionatida ham asosiyda bo'lish imkoniyati ko'proq.
Ancha tajribali Asilbek Omonov esa faqat Yaponiyaga qarshi kechgan bahsda asosiy tarkibda o'ynagan. Qolgan uchrashuvlarda esa ikkinchi bo'limda darvozani himoya qilgan. Shunday ekan, Samvel Babayan unga ikkinchi darvozabon sifatida qarayotganini taxmin qilish mumkin. «Mash'al» posboni Javohir Ilyosovning esa faqat favqulodda holatda Osiyo chempionatida o'ynashini kutish mumkin. Boisi, bu darvozabon faqat bir uchrashuv, u ham bo'lsa, «Ajman»ga qarshi dastlabki o'rtoqlik o'yinida zaxiradan maydonga tushirilgan, xolos.
HIMOYa
Himoyachilar borasida esa vaziyat shundayki, hali musobaqa boshlanmay ikki futbolchini yo'qotishga ulgurdik. O'FF matbuot xizmati tomonidan xabar qilinishicha, «Lokomotiv» himoyachisi Bobur Yo'ldoshev va «Nasaf»ning universal futbolchisi Odil Hamrobekov sog'liq borasida yuzaga kelgan muammo tufayli qit'a birinchiligiga bormaydigan bo'lishdi. Umuman, bu futbolchilarga O'zbekistonda futbol o'ynashdan vaqtincha tiyilish ham tavsiya qilingan.
Agarda ushbu ikki o'yinchining o'z klubida muntazam ravishda asosiy tarkibga kirib borayotgani va yoshlar terma jamoasida ham o'z o'rniga ega ekanini e'tiborga olsak, bu katta yo'qotish ekani, shubhasiz. Boz ustiga, himoya - terma jamoamizning eng zaif chiziqlaridan hisoblanayotgan hozirgi vaqtda...
Ayni damda tarkibdagilar qayd etgan statistikadan xulosa chiqaradigan bo'lsak, Maksimilian Fomin barcha o'rtoqlik o'yinlarini asosiy tarkibda boshlaganini ta'kidlab o'tish lozim. Shuningdek, Muhsin Ubaydullaev va Javlon Mirabdullaevlar to'rtta o'yinda shunday imkoniyatga ega bo'lishgan. Sardor Rahmonov va Akrom Komilovlar esa ikki o'yinni ilk daqiqalardan boshlaganlar. Nima uchundir Samvel Babayan Vladimir Kozakning xizmatiga juda kam murojaat qilgan. «Paxtakor»ning yosh, ammo ko'p yillik tajribaga ega futbolchisi faqat bir o'yinda, u ham bo'lsa, «Ajman»ga qarshi kechgan uchrashuvni ilk daqiqalardan boshlagan. Balki Kozakda biror jarohat bordir, bunisi bizga qorong'u. Har qanday vaziyatda ham, umid qilamizki, Vladimir bu musobaqada jamoaga qo'lidan kelgan barcha yordamni bera oladi. Zero, uning tajribasi bizga asqotishi turgan gap.
YaRIM HIMOYa
Terma jamoaning yarim himoya chizig'i haqida so'z yuritilar ekan, eng avvalo, bir fakt e'tiborimizni tortdi: so'nggi yillarda yoshlar futbolida so'zsiz etakchilardan bo'lib kelgan Abbos Maxstaliev negadir Osiyo chempionatida ishtirok etishga munosib ko'rilmadi. Aftidan, «Neftchi»ning hujumkor yarim himoyachisi oliy ligada ishonchli o'yin namoyish etayotgan va nihoyat, yoshlardan kattalar futboli sari o'tib olganini isbotlayotgandek ko'rinsa-da, qaysidir jihati bilan terma jamoa murabbiylar shtabi ishonchini oqlay olmadi, shekilli. Abbos Dubayda o'tkazilgan dastlabki yig'inda ishtirok etdi va «Ajman» hamda Yaponiya olimpiya terma jamoasiga qarshi kechgan uchrashuvlarda zaxiradan maydonga tushirildi. Ammo u namoyish etgan o'yin murabbiylarni qanoatlantirmadi va ikkinchi yig'inga hatto taklif etilmadi ham. Shunday ekan, Osiyo chempionati uchun e'lon qilingan tarkibda Maxstalievning yo'qligi u qadar hayratlanarli voqeaga aylanmadi. Abbos o'z vaqtida o'zbek futbolining eng umidli yoshlaridan bo'lganini nazarda tutsak, bu ancha yoqimsiz holat. Umid qilamizki, iqtidorli futbolchi xatolardan to'g'ri xulosa chiqarib, avvalgi saviyasiga qayta oladi.
O'z navbatida, yarim himoya borasida kishini xursand qiladigan yangilik ham bor. Jamshid Boltaboev nihoyat, uzoq davom etgan jarohatdan tiklanib, terma safiga qaytdi. Albatta, hozircha u asosiy tarkibda o'ynashga tayyor emas, ammo yosh futbolchining murakkab jarayondan o'tib olgani kishini xursand qiladi. Jamshid Qatar va Yaponiyaga qarshi kechgan uchrashuvlarda zaxiradan maydonga tushdi va bir bo'lim o'ynadi. Boltaboev himoya, yarim himoya va hujumda birdek harakatlana olishini nazarda tutsak, bunday universal futbolchining tarkibda bo'lishi murabbiylar shtabi uchun katta yutuq bo'lishi turgan gap.
Endi asosiy tarkibda maydonga tushishi mumkin bo'lgan nomzodlarga to'xtalib o'tsak. Samvel Babayan Dubayda o'tkazilgan beshta o'rtoqlik uchrashuvining barchasida Otabek Shukurov va Dostonbek Hamdamovlarga to'liq ishonch bildirdi. Bu esa ko'p narsadan dalolat beradi. Babayan bilan uzoq yillar davomida birga ishlab kelayotgan Javohir Sohibov va Jamshid Iskanderovlar esa 4 o'yinni asosiy tarkibda boshlaganlar. Ammo bitta uchrashuvda ular mutlaqo maydonga tushmaganlar. Bu bahs Yaponiyaga qarshi kechgan edi (0:0). Aftidan, o'sha uchrashuvda murabbiylar shtabi jiddiy raqibga qarshi etakchilarsiz o'ynab ko'rishni sinovdan o'tkazishgan shekilli.
Demak, Osiyo chempionatida O'zbekiston Olimpiya terma jamoasi yarim himoyasi asosan, Hamdamov-Shukurov-Iskanderov-Sohibov kvartetidan tashkil topishini taxmin qilish mumkin. Voqealar rivoji qanday tus olishiga qarab asosiy tarkibda Ikrom Aliboev, Xusniddin G'ofurov, Jaloliddin Masharipov va Jahongir Abdumo'minovlar paydo bo'lishlari ham mumkin. Ammo hozircha bu futbolchilarning asosan zaxiradan maydonga tushib, o'yinni kuchaytirishda yordam berishlari kutilmoqda.
Davomi InterFUTBOL gazetasi blogida.
— deya xabar beradi uff.uz nashri.
Bosh sahifaga
583