“Nasaf” darvozaboni Eldorbek Suyunov va himoyachi Shuhrat Muhammadiev terma jamoadan klub ihtiyoriga qaytib kelishdi.
O'zbekiston terma jamoasi kuni kecha Bahraynga qarshi safarda JCh-2018 saralash bosiqichi doirasidagi 5-tur uchrashuvini o'tkazdi va yirik g'alabaga erishdi.
Ushbu bellashuvda “Nasaf”ning ikkala a'zosi ham ishtirok etmadi.
Mamlakatimizning bosh jamoasiga chaqirilgan futbolchilardan Eldorbek Suyunov va Shuhrat Muhammadiev klub qarorgohiga qaytib kelishdi va jamoamiz mashg'ulotlariga qo'shilishdi.
Ro'ziqul Berdiev boshchiligidagi “ajdarlar” “Neftchi” bilan bo'ladigan bahsga jiddiy hozirlik ko'rmoqda.
Oliy liganing 25-turidan o'rin olgan “Nasaf” – “Neftchi” o'yini 12-oktyabr kuni Qarshi shahridagi “Markaziy” o'yingohda bo'lib o'tadi.
— deya xabar beradi uff.uz nashri.