Madridning "Real" klubi hujumchisi Benzema "Deportivo"ga qarshi kechgan uchrashuvda ikkita gol urdi va jamoasining 5:0 hisobidagi g'alabasiga hissa qo'shdi.
Shu tariqa frantsiyalik hujumchining Ispaniya chempionati doirasida madridliklar safida urgan gollari soni 101 taga etdi. E'tiborli tomoni, Benzema "Real" tarkibida penaltidan foydalanmasdan La ligada 100 ta gol ura olgan ilk futbolchiga aylandi. U kiritgan 101 ta golning barchasi o'yindan urilgan.
Eslatib o'tamiz, Benzema shu vaqtga qadar "Real" tarkibida barcha musobaqalarda 299 ta o'yinda maydonga tushgan va 151 ta gol kiritgan.

— deya xabar beradi uff.uz nashri.