Londonning "Arsenal" klubi himoyachi Nacho Monreal bilan yangi shartnoma borasida kelishuvga erishdi.
Xabar qilinishicha, tomonlar barcha masalada kelishib olgan va kelasi haftada yangi shartnomaga imzo qo'yadilar. Shartnoma muddati 2019 yilga qadar davom etishi ko'zda tutilgan bo'ladi.
29 yoshli futbolchi joriy mavsum Angliya chempionatida 20 uchrashuvda maydonga tushdi va Chempionlar ligasining to'rtta o'yinida ishtirok etdi. Monreal londonliklar safida uch mavsumdan buyon o'ynab keladi va Angliya chempionatida 81 uchrashuvda "Arsenal" sharafini himoya qilgan.
— deya xabar beradi uff.uz nashri.