"Lion" yarim himoyachisi Mate Valbuena Frantsiya terma jamoasi tarkibida Evropa chempionatida ishtirok etishga umid qilishini bildirdi. Shuningdek yarim himoyachi ushbu musobaqada "Real" hujumchisi Karim Benzema bilan birga to'p surishga ham tayyorligini bildirgan.
"Evropa chempionatiga borishim haqida hech qanday kafolat yo'q. Men Desham bilan gaplashib olgandim, ammo uning tafsilotlarini ma'lum qilmayman.
U menga shunday so'zlarni aytdiki, ruhiyatim ko'tarildi. Ammo ayni vaqtda asosiy maqsadim "Lion"ga imkon qadar ko'proq foyda keltirish. Axir men yomon o'ynamayapman.
Evropa chempionatida o'ynasam mavsum ajoyib yakun topgan bo'lardi. Benzema bilan birgalikdami? Hamma narsa bo'lishi mumkin, men tayyorman. Endi hech qanday muammo qolmagan", - deydi Valbuena.
Eslatib o'tamiz, Benzema Valbuenaga qarshi ta'magirlik ishiga aralashgani aytilgan edi.
— deya xabar beradi uff.uz nashri.