Ispaniya chempionatining 19-turidan o'rin olgan "Selta" hamda "Atletiko" klublari o'rtasidagi uchrashuv nihoyasiga etdi. Unda 0:2 hisobi qayd etilib, mehmonlarning g'alabasi bilan yakunlandi. Dastlab bo'limda hisob ochilmagan bo'lsada, ikinchi bo'limning 49-daqiqasiga kelib Antuan Grizmann Alvares darvozasiga birinchi golni kiritdi. 80-daqiqada esa Ferreyra Karrasko hisobni 0:2 ko'rinishga olib keldi va aynan shu hisob yakunda tabloda saqlanib qoldi. Shu tariqa, Simeone shogirdlari ushbu g'alaba evaziga 44 ochko to'plab, musobaqa jadvalida birinchi o'ringa qaytishdi. Ispaniya chempionati, 19-tur Selta – Atletiko 0:2 (0:0, 0:2)
Gollar: 0:1 – 49 Grizmann, 0:2 – 80 Ferreyra Karrasko.
Selta – Alvares, Malo, Kabral, Gomes, Kastro, Radoya (Gvidetti, 74), Ernandes (Borxa Fernandes, 80), Vass, Orelyana, Bongonda (Xosep Sene, 86), Aspas.
Atletiko – Oblak, Xuanfran, Ximenes, Godin, Filipe Luis, Saul, Gabi, Fernandes (Ferreyra Karrasko, 54), Koke, Vetto (Martines, 76), Grizmann (Games, 83).
Ogohlantirishlar: Filipe Luis (36), Ernandes (63), Radoya (67).
— deya xabar beradi uff.uz nashri.