“Barselona” klubi rahbariyati qishki transfer mavsumi vaqtida ikki nafar futbolchi xarid qilish haqida o'ylamoqda.
Kataloniya klubi murabbiylar shtabining fikricha, sovrinlar uchun muvaffaqiyatli kurash olib borish uchun tarkibni kuchaytirish lozim. Yanvardan boshlab “Barsa” safida to'p surish huquqiga ega bo'ladigan yarim himoyachilar Arda Turan hamda Aleish Vidaldan tashqari, jamoaga yana ikki o'yinchi jalb etilishi mumkin.
“Barselona”ning bosh maqsadi hujum chizig'ini kuchaytirish bo'ladi. Klub hujum chizig'ining barcha nuqtalarida o'ynay oladigan futbolchi izlamoqda.
Bundan tashqari, yarim himoyachi varianti ham ko'rib chiqilmoqda, biroq bu transfer, ushbu nuqtaga top-o'yinchi olish imkoniyati yuqoriroq bo'lishi inobatga olingan holda, yozgacha qoldirilishi mumkin.
Sport.es nashrining ma'lumotga ko'ra, kataloniyaliklarning transferlar bilan shug'ullanuvchi guruhi nomzodlar ro'yxatini tuzib qo'ygan.
Xabar qilinishicha, “Barselona” hamon Kievning “Dinamo” jamoasi hujumchisi Andrey Yarmolenko bilan qiziqmoqda.
— deya xabar beradi uff.uz nashri.