"Paxtakor" kecha xorij yig'inini o'tkazish uchun BAAning Sharja amirligiga etib bordi.

Kechagi kunning o'zida futbolchilar murabbiylar shtabi boshchiligida birinchi mashg'ulotda ishtirok etishdi. Toshkentdagi yig'inlarda tiklanish mashqlarini bajargan futbolchilar endi faolroq mashg'ulotlarda mehnat qilishadi. Jamoamizning keyingi rejalari shunday: 10-24 yanvar kunlari Sharjada yig'in o'tkaziladi. Keyin Toshkentga qaytib, 1 fevralgacha mashg'ulotlar davom ettiriladi. Fevralning ilk kunida jamoa yana Sharjaga yo'l oladi va u erdan 15 fevralda qaytib keladi.

Sharjadagi birinchi yig'inda qatnashadigan futbolchilar, murabbiylar va xodimlar shtabi bilan tanishing. Futbolchilar - Aleksandr Lobanov, Nikita Ribkin, Akmal Tursunboev, Kamoliddin Tojiev, Davron Hoshimov, Aleksandr Merzlyakov, Adnan Oraxovats, Akbar Ismatullaev, Stanislav Andreev, Sherzod Karimov, Abbos Otaxonov, Ibrohim Abdullaev, Javohir Sidiqov, Jamshid Yusupov, Jasur Yaxshiboev, Navro'z Alimov, Suhrob Berdiev, Akobir To'raev, Azim Ahmedov, Alisher Mirzaev, Doston Ibrohimov, Hojiakbar Alijonov. Murabbiylar va xodimlar: No''mon Hasanov (bosh murabbiy), Grigoriy Tseytlin (sport direktori), Ilhom Mo'minjonov (murabbiy), Jasur Abduraimov (murabbiy), Murod Roziev (shifokor), Davron Saidov (bosh ma'mur), Hojiakbar Sharopov (tasvirchi), Yaroslav Eryomin (massajchi), Hikmat Toshmirzaev (ma'mur).

Sharjada 4ta nazorat bahsi bo'lib o'tishi rejalashtirilgan. Bahslarni tashkil etuvchi kompaniya hozircha 3 uchrashuvdagi raqiblar haqida ma'lumot bergan. 12 yanvar kuni yakuniy ro'yxat taqdim etiladi: 13 yanvar - “Al Halij” (Saudiya Arabistoni)
16 yanvar - “Al Ayn” (BAA)
23 yanvar - “Amkar” (Rossiya)
— deya xabar beradi uff.uz nashri.