“Manchester Yunayted” klubi rahbariyati hamon Madridning “Real” jamoasi yarim himoyachisi Garet Beylni xarid qilish fikridan qaytmagan. The Times nashrining ma'lumotiga ko'ra, ingliz klubi mavsum oxirida 26 yoshli uelslik futbolchi uchun 90 million funt (120 million evro) taklif qilishga tayyor. Ta'kidlanishicha, “MYu” o'tgan yozda Beyl borasida shunga o'xshash taklif bilan chiqqan, ammo “Real” unga rad javobini bergan. Eslatib o'tamiz, 2013 yili vinger rekord 85 million funt qiymat evaziga “Tottenxem”dan madridlik klub safiga kelib qo'shilgandi.
— deya xabar beradi uff.uz nashri.