“Buxoro” yangi yilda ilk yangi futbolchi bilan shartnoma imzoladi.
Yaqinda jamoaga ko'rikdan o'tish uchun taklif etilgan darvozabon, Muxiddin Xudoyorov bugun rasman “Buxoro” a'zosiga aylandi.
Ushbu darvozabon o'tgan mavsum Samarqandning “Dinamo” klubi sharafini himoya qilgan edi. Xudoyorov Samarqand klubida 4 yil posbonlik qilgan tajribali futbolchi Andrey Melnichukga raqobat ko'rsatib, uni zahira o'rindig'iga “mixlanishiga” sababchi bo'lgan edi. “Dinamo” birinchi ligaga ravona bo'lganidan so'ng, Xudoyorov ham ushbu jamoani tark etishga qaror qildi.
Eslatib o'tamiz, Muxiddin Xudoyorov so'nggi payt “Dinamo”ning asosiy darvozaboni sifatida jami 16 uchrashuvda maydonga tushdi va 1335 daqiqa maydonda harakat qildi. Ushbu darvozabon 16 ta uchrashuvda jami 24 marotaba o'z darvozasidan to'p olib chiqishga majbur bo'lgan edi.


— deya xabar beradi uff.uz nashri.