Hurmatli futbol ishqibozlari! "Oltin to'p" marosimi boshlandi. Sharhda Xayrulla Hamidov! ***** ENG YaXShI AKTYoRLAR
“Oltin to'p» marosimini “Oskar”ga o'xshatsak bo'ladi. Dastlab eng yaxshi rejissyorlar, dizaynerlar, musiqa ustalari va ikkinchi rollarga mukofot topshiriladi, sababi eng asosiysi oxiriga qoladi. Bu ham bo'lsa, yilning eng yaxshi aktyori!
Futbolda ham hammasi aktyorlarga qurilgan. Murabbiylarni cheksiz hurmat qilgan holda aytamizki, futbol avvalo maydonda harakat qilayotganlarning o'yinidir. Maydonda esa murabbiylar emas, futbolchilar!
Rejissyorlar har qancha urinmasinlar, biz tomosha qiladigan filmda aktyorlarni ko'ramiz, Di Kaprioyu Klunilarni ko'ramiz. Futbolda ham asosiy ishni murabbiylar qilayotganini bilsak-da, Ronaldu-Messilarni kuzatamiz, Neymaru Suareslar o'yinidan rohatlanamiz. Ya'nikim, orqa plandagilar muxlislar uchun u qadar qiziq emas.
Bugun ham shunday bo'ladi. Hammasini hal qiluvchi pallaga dovur murabbiylarni, federatsiyalarni, klublarni, ayollar futbolini taqdirlab oladilar. Oxirida eng yaxshi futbolchini aniqlaydilar. Oskarda ham hamma yilning eng yaxshi aktyorini kutadi. Demoqchimanki, shuning uchun ham FIFAning bu tadbiri yil g'oliblari deb emas, “Oltin to'p” nomi bilan mashhurdir. Yana demoqchimanki, onlayn sharhimiz davomida oxirigacha biz bilan bo'ling! Futbolimiz Di Kapriolarini, MettDeymonlarini aniqlaydigan payt yaqinlashmoqda... Ko'p futbolchilar, mashhurlar muxlislar oldidan - qizil yo'lakdan o'tib bo'lishdi. Bu - an'anaviy odat bo'lib, futbol ishqibozlari uchun ajoyib shou hisoblanadi. Taqdirlash marosimiga kira olmaganlar ham yulduzlar bilan rohatlanishlari kerakku, to'g'rimi?
Ramos va Pogbaning kirib kelishi muxlislarda katta taassurot qoldirdi
Serxio Ramos rafiqasi bilan, Pogba esa onasi bilan keldi. Milliy mentalitet, har holda...
Agar Oltin to'pni Ronaldu olsa, Messi qatori qatorasiga uch marta Oltin to'pni olgan futbolchiga aylanadi, Messi olsa, qatorasiga to'rtinchi marta Oltin to'p egasi bo'lgan yagona o'yinchiga aylanadi. Uning 2009 yilgi g'olibligi boshqa nomdaligi uchun shunday aytyapmiz. Van Basten, Platini va Yoxan Kroyflar ham bu natijaga havas qilsalar bo'ladi...
Kakaning mashinadan tushib kelishi ham muxlislarning qiyqirig'iga sabab bo'ldi. Har holda, oxirgi "erlik" Oltin to'p sohibi:)
Murabbiylarning tashqi ko'rinishi ham rol o'ynaydi. G'oliblik uchun eng asosiy da'vogar Chili terma jamoasi bosh murabbiyi Sampaolini muxlislar tanimay qolishdi. Tanishmasa tanishmasin, bir pas turib birga selfi qilishmaganiga pushaymon bo'ladilar.
Matbuot anjumanida Messi Ronalduni "hamma futbolchi havas qilgulik o'yinchi" deb maqtabdi... Ronaldu esa "Messidan nimadir olish kerak bo'lsa, chap oyog'ini olardim" debdi... Neymar esa "ikkisidan bittadan oyoq olardim", debdi... Operatsiya xonasi qivoribsizlarku, yigitlar:) Messi beshta oltin to'pini bittagina jahon kubogiga almashtirmoqchiligini aytibdi. O'sha final oqshomida shunday his bilan o'ynash kerak edi, Leojon!
Boshladik bo'lmasa... G'arb g'ijjagining qo'rqinchli kuyi bilan boshlashdi marosimni... G'alati boshlanish!
Klip ketyapti...
Ayol va erkak futbolchilarning hayajonli harakatlari... Keyt Abdo 190 davlat vakillarini tabriklamoqda, salom yo'llamoqda... Chunki shuncha davlat to'g'ridan to'g'ri tomosha qilyapti, jumladan O'zbekiston ham!
Uchtadan juftliklar chiqishdi. Ronaldu, Messi va Neymarning juftliklari ham g'oliblik uchun da'vogarlar, tag'in rafiqalari deb o'ylamang,a?)
Ronaldu baribir umid qilmoqda... Men eng zo'rman, deyapti. Odam oxirigacha ishonishi kerak! Yaponiyalik Ayya Miyama ham yaponcha gapirdi...
Kamtarin Messi ham ozgina gapirgan bo'ldi... G'olib bo'lishini bilib turibdi chamamda... Neymarning gaplaridan bilsa bo'ladiki, u hozircha hech qaysi o'rindan xafa bo'lmaydi. Ammo keyingi yildan boshlab qattiq ranjishi turgan gap:) Uchta golni ko'rsatishyapti, Florenzi Barsaga urgani esingizda bor,a, Ter Shtegenga salomlar! Lira qaychining antiqa uslubi...
Messi Atletikka urgan goli... Maydonda futbolchilar bormi? Kim oladi, deb o'ylaysiz? deyishyapti... Samuel Etoo yil ramziysini aniqlash uchun sahnaga chiqdi, sahnaga biram yarashidiki bu bola) Darvozabon Buffon... emas, Noyer!, Himoyachilar Silva, Marselo, ko'rishib qo'yishyapti bir-biri bilan... Serxio Ramos... yomon himoya emas... Dani Alvesh!!! Yarim himoya... Inesta, nima, shubhalanganmidingiz? Modrich! RealMadrid... Bo'yi uzun yigit kim, ohho', Pogbaku! Hujumchilar - Neymar, Messi, Ronaldu! Ispaniyadan boshqa joydayam gol urishyaptimi o'zi:)
— deya xabar beradi uff.uz nashri.