Ayni vaqtda O'zbekiston olimpiya terma jamoasi Osiyo chempionati guruh bosqichida Janubiy Koreyaga qarshi kechadigan uchrashuvga tayyorgarlik ko'rmoqda.
Xabar qilinishicha, ushbu uchrashuvdan so'ng bo'lib o'tadigan matbuot anjumanida "Bunyodkor" yarim himoyachisi Dostonbek Hamdamovga “Yilning eng yaxshi yosh futbolchisi” sovrini topshiriladi. Eslatib o'tamiz, Hamdamov o'tgan mavsum uchun yilning eng yaxshi yosh futbolchisi deb topilgan, ammo viza bilan bog'liq muammolar tufayli Hindistonda bo'lib o'tgan taqdimot marosimiga bora olmagan edi.
O'zbekiston va Janubiy Koreya olimpiya terma jamoalari o'rtasida kechadigan uchrashuvdan so'ng bo'lib o'tadigan matbuot anjumanida Uff.uz vakili ham ishtirok etishi kutilmoqda va tadbir tafsilotlari bilan saytimiz orqali tanishib borishingiz mumkin bo'ladi.
— deya xabar beradi uff.uz nashri.