Bugun Qatar mamlakati mezbonlik qilayotgan olimpiya yo'llanmasi uchun Osiyo chempionati bahslari start oladi. O'zbekiston olimpiyachilari guruhda Janubiy Koreya, Iroq va Yaman termalariga qarshi to'p suradi. Samvel Babayan eng kuchli futbolchilarni to'plashga erishdi. Shuningdek, qator o'yinchilar mazkur yakuniy ro'yxatdan chetda qoldi. Bugun shu futbolchilar haqida so'z yuritamiz.  
Akmal Tursunboev
Bu darvozabonni nima sababdan chetda qolganligi ko'pchilikni ajablantirgan bo'lsa kerak. Saralash o'yinlarida asosiy darvozabon sifatida maydonga tushib kelgan Tursunboevni Babayan yakuniy tarkibga kiritmadi. Asilbek Omonov, Javohir Ilyosov va Abdumavlon Abdujalilovlarga imkoniyat berishni lozim topdi. Shunday qilib, Akmal musobaqani tomoshabin sifatida kuzatadi.
Rustam Ashurmatov
“Bunyodkor”ning asosiy tarkibidan joy olib kelgan Ashurmatov olimpiyachilarimiz tarkibidan chetda qoldi. So'nggi yig'inlarda Rustam ishtirok etib kelayotgandi. Biroq oxirgi pallaga kelganda chetga chiqib qoldi. Bunga uning joyida to'p suradigan boshqa o'yinchilarning borligi sabab bo'lgandir. Har holda Babayan Ashurmatov Qatarga olib keta olmadi.
Bobur Yo'ldoshev
Aslida Yo'ldoshev ketishi kerak edi. Biroq sog'lig'ida yuzaga kelgan qandaydir muammolar sababli, Bobur futboldan chetda qolmoqda. Hattoki, “Loko” mashg'ulotlarida ham ishtirok etmayapti. Bizga ma'lum bo'lishicha, Bobur Yo'ldoshev yuragidagi nuqsonlari sababli, noma'lum muddat futbol o'ynay olmaydi.
Davomi Sports.Uz blogida.
— deya xabar beradi uff.uz nashri.