Futbolda darvozabon yarim jamoa deb bejiz aytishmagan. Chindan ham, ikki ustun oralig'i egallari butun o'yin davomida katta ko'lamdagi ishlarni bajarishga odatlanishgani uchuk ham ularga e'tibor juda katta.
Jahon miqyosida Iker Kasilyas, Janluiji Buffon, Petr Chex, Manuel Noyer, David De Xea singari mahoratli posbonlarni bilamiz. Bizdachi? O'zbekiston ham iqtidorli darvozabonlari bilan maqtana oladimi? Bugungi sahifamizda Oliy ligada o'ynayotgan mahoratli va tajribali darvozabonlar bilan sizlarni tanishtirib o'tamiz.
Pavel Bugalo
Tug'ilgan sanasi: 21.08.1974
Klubi: «Bunyodkor»
 
Bugaloni tanimagan va bilmagan futbol muxlisi bo'lmasa kerak.  Yoshi 40 dan oshganiga qaramay, Pasha doimiy ravishda maydonda javlon urib to'p surishni istaydi. «Bunyodkor» klubida to'p surib kelayotgan Bugalo so'nggi vaqtlarda maydonga tushmay qoldi. Bunga raqobat borligini aytish lozim. Chunki jamoada Murod Zuhurov va Akbar To'raev singari yosh "darvoza qo'riqchilari" bor. Shuning uchun ham murabbiylar shtabi asosan bu darvozabonlarga imkoniyat taqdim qilmoqda.
 
Bilasizmi, Bugalo shu kungacha juda ko'plab o'yinlarda maydonga tushgan. O'zbekiston milliy terma jamoasining asosiy posboni bo'lib kelgan. Ko'pchilik uni mashhur germaniyalik darvozabon Oliver Kanga o'xshatadi. Kan ajoyib reaktsiyaga ega ekanligi bilan ajralib turgan. Bugaloda ham aynan shunda abjirlik, tezkorlik rivojlangandi va u o'yinni yaxshi nazorat qilishi bilan dong taratgandi. Yillar ta'siri baribir o'z xukmini o'tkazmasdan qolmadi. Qahramonimiz bugungi vaqtda faoliyatini tugatish arafasida turibdi.
Sanjar Quvvatov
Tug'ilgan sanasi: 08.01.1990
Klubi: «Mash'al»/«Nasaf»
 
Bu darvozabonning so'nggi yillarda faoliyatida pasayish yuz berdi. Yoshlar terma jamoasi bilan jahon chempionatida porlab chiqqan Quvvatov sodiqligi bo'yicha har qanday hamkasbiga namuna bo'la oladi. Uzoq yillar davomida “Mash'al”da to'p surib keldi. Joriy yilda esa darvozabonga “Nasaf”dan taklif tushdi. Natijada Quvvatov qarshiliklar bilan bitim imzoladi hamda ish joyini o'zgartirdi.
 
Aleksandr Lobanov  
Tug'ilgan sanasi: 04.01.1986  
Klubi: «Paxtakor»
 
Bundan to'rt yil avval Lobanov birinchi liga ishtirokchisi «Orol» jamoasida to'p surardi. Keyinchalik tajribasini ko'tarib borgan posbon «Paxtakor»ga kelganidan so'ng katta o'zgarishlarni boshdan kechirdi. Qisqa muddat ichida Lobanov jamoaning ajratib bo'lmas bir qismiga aylandi. Shuningdek, o'z o'yini bilan ajralib turgan Lobanov milliy terma jamoa nazariga tushdi. Samvel Babayan O'zbekiston milliy terma jamoasiga bosh murabbiy etib tayinlangach, Aleksandr Lobanov terma jamoadagi asosiy tarkibdan Ignatiy Nesterov va Eldor Suyunovni siqib chiqardi.
 
Davomi Zohid Akramov blogida.
— deya xabar beradi uff.uz nashri.