Xabaringiz bor, kecha "Barselona" klubi hujumchisi Lionel Messi faoliyatidagi 5-"Oltin to'p" sovrinini qo'lga kiritdi. Argentinalik futbolchiga so'rovnomada qatnashganlarning jami 41,33% ovoz bergan. So'rovnomada FIFA tasnifiga kirgan terma jamoalar bosh murabbiylari va sardorlari, shuningdek, federatsiya matbuot xizmati vakillari qatnashishi sizga yaxshi ma'lum. Shu o'rinda, O'zbekiston vakillari qaysi futbolchilarga ovoz berishgani ko'pchilik uchun qiziq bo'lsa kerak. Milliy terma jamoamiz bosh murabbiyi Samvel Babayan va sardor Odil Ahmedov 1-o'ringa Lionel Messini, 2-o'ringa Krishtianu Ronalduni, 3-o'ringa esa Neymarni qo'yishgan. O'zbekiston futbol federatsiyasi matbuot xizmati vakili Grigoriy Rtveladze esa 1-o'ringa Ronalduni, 2-o'ringa Luis Suaresni, 3-o'ringa esa Tomas Myullerni qo'ygan.
— deya xabar beradi uff.uz nashri.