2016 yilning 16-17 yanvar kunlari poytaxtimizdagi Respublika olimpiya zaxiralari kollejida yunon-rim kurashi bo'yicha O'zbekistonda xizmat ko'rsatgan murabbiy, xizmat ko'rsatgan sport ustasi Komil Fatkullin sovrini uchun an'anaviy xalqaro turnir o'tkaziladi.
To'rtinchi bor tashkil etilayotgan mazkur xalqaro turnirda 2001-2002 yillarda tavallud topgan yosh polvonlar g'oliblik uchun bellashadilar. Mazkur musobaqada mamlakatimizning umidli sportchilari bilan birga bir qator qo'shni davlat vakillarining ham ishtiroki kutilmoqda.
Xalqaro turnirning tantanali ochilish marosimi 16 yanvar kuni soat 12:00da boshlanadi.
Ma'lumot uchun. Komil Fatkullin yunon-rim kurashi bo'yicha 1977, 1979 hamda 1983 yillarda o'tkazilgan jahon chempionatida kumush medal sovrindori, 1984 yili bo'lib o'tgan Evropa chempionatida esa oltin medal sohibi bo'lgan. Ayni paytda ham yunon-rim kurashi bo'yicha O'zbekiston terma jamoasi bosh murabbiyi hisoblanadigan Fatxulin haqidagi to'liq ma'lumotni Milliy Olimpiya qo'mitasining rasmiy saytidan olishingiz mumkin...
— deya xabar beradi uff.uz nashri.