Ertaga bo'lib o'tadigan Janubiy Koreya hamda O'zbekiston yoshlar terma jamoasi uchrashuvi oldidan Janubiy Koreya U-23 bosh murabbiyi Shin Tay Yong o'zining fikrlari bilan o'rtoqlashdi.
"Biz bu musobaqaga juda yaxshi tayyorgarlik ko'rdik. O'zbekistonga qarshi o'yinni sabrsizlik bilan kutyapman.
Umuman olganda, guruhimizdagi uchta raqib ham juda kuchli. Men umid qilamanki, mazkur o'yinlarning hammasida g'alaba qozonamiz.
Hozircha, faqat O'zbekiston haqida o'ylayapmiz, sababi birinchi o'yin baribir muhim. Keyin esa, Iroq va Yaman haqida bosh qotiramiz", - deydi Shin Tay Yong.
— deya xabar beradi uff.uz nashri.