Ko'pchilikka ma'lum, o'zbekistonlik darvozabon Alisher Ahmedov o'tgan mavsumni Maldiv orallari chempionatining “Nyu Radiant” safida ishtirok etib, mamlakat chempioligini qo'lga kiritdi. Shuningdek, hamyurtimiz Maldiv orollari chempionatining eng yaxshi darvozaboni deb topildi. 28 yoshli futbolchi mavsum yakunida jamoasini tark etib, erkin agentga aylandi.
Alisher Ahmedov SPORTS.uz internet-nashri uchun bergan maxsus intervyusida kelajakdagi rejalari, milliy terma jamoa posboni Aleksandr Lobanov o'yini hamda terma jamoada o'ynash istagi haqida gapirib o'tdi.
 
- Maldiv orollari chempionatini tark etish qaroringiz nima bilan bog'liq?
- Mening asosiy maqsadim – O'zbekiston milliy terma jamoasi safida to'p surish. Doimo mana shu hayol bilan yurama va maqsadimga erishish uchun o'z ustimda ishlab kelyapman. Terma jamoaga chaqiruv olish uchun esa kuchli chempionatda to'p surib, murabbiy shtabining e'tiborini qozonishim kerak. Maldiv orollarida faoliyat olib borib, terma jamoaga chaqirilish iloji yo'qligini tushunganim uchun “Nyu Radiant” klubini tark etishga qaror qildim.
 
- Maldiv orollarida o'tkazgan mavsumingizga qanday baho bera olasiz?
- Mavsum men uchun ajoyib va ijobiy tarzda o'tdi. U erda tajribaga ega bo'lib qaytdim. Jamoadoshlar bilan munosabatim ham yaxshi edi. Mavsumni yaxshi o'tkazganimiz uchun, haqli ravishda chempion bo'ldik. Mavsumning eng yaxshi darvozaboni deb topilganim quvonchimni ikka karra oshirdi. Menimcha, faoliyatimdagi eng muhim qadamlardan birini qo'ydim, o'zim uchun yangi mamlakatni kashf qildim. Deyarli barcha o'yinlarda maydonga tushib, etarlicha o'yin amaliyotiga ega bo'ldim. Hozir 28 yoshdaman va bu darvozabonlarning “gullaydigan” vaqti, deb hisoblayman.
Davomi Sports.Uz blogida.
— deya xabar beradi uff.uz nashri.