O'tgan yili Yangi Zelandiya davlatida o'tkazilgan  yoshlar o'rtasidagi Jahon chempionatidan so'ng  terma jamoamizda to'p surgan Mirjamol Qosimov va Akrom Komilovlarga – xalqaro o'yinlarda maydonga tushgan payt millionlab muxlislar g'alabangiz kutayotganini his etasizlarmi, deb savol bergandim.
Yigitlar - aka, biz yurtimizdagi har bir ishqibozning teleekran orqali ming hayajon bilan harakatlarimiz kuzatayotganini tasavvur qilamiz  va bu jihat  bizga katta kuch beradi,- deya javob berishgan edi. Bugun yana ko'p sonli muxlislar oqshomni sabrsizlik bilan kutadilar. Sababi aniq. Bugun O'ZBEKISTON termasi o'ynaydi! Umid atalmush tuyg'u  o'zining orzu tulporiga mindirib, o'zbegim termasini Rioda ishtirok etishini istab turgan bo'lsa, ne ajab...
Aslida, termamiz tarkibi yomon emas. Ular oldiga bemalol eplash mumkin bo'lgan vazifa qo'yilgan. Faqat g'alaba sari intilish kerak. Yigitlarimiz millionlab o'zbek muxlislari ularning g'alabasiga ko'z tikib turishganini unutmasalar bo'lgani...     
Barcha muxlislar nomidan ularga yuksak ishonchni oqlashlarini tilab qolamiz!
Pekin, London birma bir,
Bizga bo'lgandi sarob,
Ishongandik ishonchni,
Qilishgandilar xarob.
O'tmish o'yinlaridan,
Chiqarib xulosa siz,
O'ynasangiz hamjihat,
Albat bo'lar yorug' yuz.
Rioga bir yo'llanma,
Qolamiz sizdan kutib.
Ishonamiz raqibning,
Kelasiz barin yutib.                                             Elmurod ERMATOV, Alisher Norboboev(ALBARS)
— deya xabar beradi uff.uz nashri.