Bugun Angliya Premer-ligasi 21-turining markaziy uchrashuvi bo'lib o'tadi. Unda "Liverpul" klubi o'z maydonida "Arsenal" jamoasini qabul qiladi. O'yinga bo'lgan qiziqish juda ham yuqori. Mazkur o'yindan keyin musobaqa jadvalida peshqadam o'zgarishi mumkin. Ayni paytda "Arsenal" jamoasi turnirda 42 ochko bilan peshqadamlik qilmoqda. Yurgen Klopp shogirlari esa 30 ochko bilan 8-o'rinda borishmoqda. Agar bugun tunda "Arsenal" ochko yo'qotadigan bo'lsa hamda "Lester" g'alaba qozonsa, Raneri shogirdlari yana peshqadamlikni qaytarib olishlari mumkin. "Liverpul" - "Arsenal" uchrashuvi Toshkent vaqti bilan tunggi soat 01:00da boshlanadi. Mazkur o'yin "UzReport TV" telekanali orqali "jonli" efirda namoyish etiladi. Uchrashuvni Dmitriy Mostovoy va Jasurbek Gaybullaev sharhlab borishadi.
— deya xabar beradi uff.uz nashri.