Ortda qolgan 2015 yil "besh"larga boy bo'ldi. Biz ana shunday "beshli" voqealarga to'xtalib o'tishni joiz deb topdik.
1. “Penta-trik”ka erishganlar
2015 yilda Ispaniya, Germaniya va Angliya chempionatida to'p suruvchi futbolchilar bir o'yinda beshtadan gol urishga muvaffaq bo'lishdi. Bu borada “Real” hujumchisi Ronaldu barchaga o'rnak bo'ldi. U yil davomida 2 marta “Granada” va “Espanol”ga qarshi uchrashuvlarda “penta-trik” qayd etdi. “Bavariya” hujumchisi Robert Levandovski esa 9 daqiqa ichida raqib posbonini besh bora ranjitgan holda, Ginnes rekordlari kitobiga o'z ism-sharifini kiritib qo'ydi. “Manchester Siti” forvardi Serxio Agueroga esa 5 ta gol urish uchun 20 daqiqa kifoya qildi.
2. “Barselona”dan 5 ta kubok
Luis Enrike murabbiylik qilgan “Barselona” uchun 2015 yil juda omadli kechdi. Uning shogirdlari Ispaniya chempionati va kubogi, hamda Chempionlar ligasida chempionlikka erishib “trebl” qayd etishdi. Yangi mavsumda esa Kataloniyaliklar bu sovrinlar qatoriga Evropa superkubogi va klublar o'rtasidagi jahon chempionligini ham qo'shib qo'yishdi. Shu tariqa “Barsa” 2015 yilni 5 ta kubok bilan yakunladi!
Davomi Furqat Yusupov blogida.
— deya xabar beradi uff.uz nashri.