Parijning “PSJ” klubi yarim himoyachisi Marko Verratti hujumchi Zlatan Ibrohimovich unga yozda yangi shartnoma taklif qilishlariga loyiq degan fikrni bildirdi. – “PSJ” prezidentining o'rnida bo'lganimda o'ylab o'tirmasdan Ibrohimovich bilan shartnomani uzaytirardim. Men Ibrani yaxshi bilaman, u bilan har kuni mashg'ulot vaqtida ko'rishaman va men uchun u hamon eng yaxshi futbolchi. U hali buni ko'p bor isbotlaydi. – Kelayotgan yozda Parijni tark etishni rejalashtiryapsiz-mi? – Yo'q. Bu erda hamma narsadan mamnunman, nega endi klubimni o'zgartirishim kerak? – Shartnomangizni uzaytirmoqchimisiz? – Bilmadim. Men qarshi emasman, ammo bu haqida prezidentimizdan so'ragan yaxshi, – deydi Verratti.
— deya xabar beradi uff.uz nashri.