Argentina terma jamoasi sobiq bosh murabbiyi 76 yoshli Karlos Bilardo “Barselona“ yulduzi Lionel Messi futbol tarixidagi eng yaxshi o'yinchi degan fikrga qo'shilmasligini bildirdi. "Messi chindan g'am hozir dunyoda tengsiz, ammo, umuman olganda u futbol tarixidagi eng yaxshi o'yinchi emas. “U haqli ravishda “Oltin to'p“ sovrindoriga aylandi va Leo bu sovrin uchun kurashda asosiy raqibi bo'lmish Ronaldudan ancha ustun turadi. Messi juda ko'plab sovrinlarni qo'lga kiritgan va u millionlab insonlarning yoqtirgan futbolchisi. U maydonga tushishi bilanoq odamlar uni qiroldek kutib olishadi. Messi hozirda dunyoda tengsiz va hech kim undan erishgan sovrinlarini tortib ololmaydi, ammo u hali ham Jahon chempionligini qo'lga kiritmadi. Buni amalga oshirish juda qiyin bo'ladi", - deydi Bilardo. Eslatib o'tamiz, Bilardo 1983 yildan 1990 yilga qadar Argentina terma jamoasini boshqargan. Mutaxassis qo'l ostida terma jamoa Meksikada bo'lib o'tgan 1986 yilgi Jahon chempionatining bosh sovrinini qo'lga kiritgan va o'sha jamoada Diego Maradona ham bor edi.
— deya xabar beradi uff.uz nashri.