Qatar davlatining Doha shahridagi "Suhaym bin Hammad" stadionida Janubiy Koreya hamda O'zbekiston yoshlar terma jamoalari o'rtasidagi uchrashuv nihoyasiga etdi. Unda 2:1 hisobi qayd etilib, Janubiy koreyaliklarning g'alabasi bilan yakunlandi.
Aslida, raqibning kuchli ekanligi oldindan ma'lum edi. Ammo, negadir barcha o'zbekistonlik futbol ishqibozlari mo''jiza kutishdi va nimagadir umid qilishdi. Afsuski, mo''jiza yuz bermadi. O'zbekiston termasi raqibiga "toza" yutqazdi.
Aftidan, futbolchilar keraklicha tayyorgarlik ko'rmaganlari yoki murabbiylar shtabi unchalik ham zarur ko'rsatmalarni bermagani ko'rinib qoldi.
Koreya tarkibida ikki golni ham Mun Chan Jin kiritdi. O'zbekiston tarkibida bitta javob golini Dostonbek Hamdamov 58-daqiqada kiritdi. Yashirmaymiz, ishongan futbolchilarimiz o'ynay olishmadi. O'zbekiston o'yinida biron bir g'oya ko'rinmadi. Mayli, buni "birinchi o'yin adaptatsiya"siga yo'yamiz. Keyingi bahslarda o'zgarish kiritmasak bo'lmaydi.
Janubiy Koreya - O'zbekiston — 2:1
Gollar: Mun Chang Jin (20, pen), Mun Chan Jin (47) - Dostonbek Hamdamov (58)
Janubiy Koreya U-23: Kim Dong Jin, Mun Chang Jin, Li Chang Min, Xvang Xi Chang, Yong Jay Min, Syon Ju Xun, Sim Sang Min, Jin Syong Uk, Li Syol Chan, Ryu Syong Vu, Park Yong Vu
O'zbekiston U-23: Abdumavlon Abdujalilov, Akrom Komilov, Maksimilian Fomin, Vladimir Kozak, Jamshid Boltaboev, Otabek Shukurov, Javohir Sohibov, Jamshid Iskanderov, Dostonbek Hamdamov, Igor Sergeev, Eldor Shomurodov.
— deya xabar beradi uff.uz nashri.