Janubiy Koreya - O'zbekiston yoshlar terma jamoasi o'yinidan keyingi matbuot-anjumani boshlandi. Dastlab savollarga Samvel Babayan javob qaytardi.
"Afsuski bu o'yinda mag'lubiyatga uchradik. Ammo o'yin uchun uyalmayman. Biz munosib o'yin namoyish qildik", deya so'z boshladi O'zbekiston terma jamoasi bosh murabbiyi.
- Iroqqa qarshi kechadigan o'yinda qanday o'zgarish qilmoqchisiz?
- Bu musobaqada har bir o'yinning ahamiyati juda katta. Shu sababli unga mas'uliyat bilan yondoshamiz.
- Bugun markaziy himoyada Kozak va Fomin o'ynadi, ammo ikkisi ham aslida boshqa chiziq vakili. Bunga sabab nimada?
- Kozak va Fomin ilgari ham bu chiziqda o'ynagan. Aynan ular maydonga tushirilganiga kelsak, afsuski bizda himoyada muammolar bor. Garchi hamma o'yini ham o'xshagan bo'lmasada, ammo futbolchilarga e'tiroz yo'q. - Bu o'yindan qanday ijobiy va salbiy taassurotlar oldingiz?
- Hujum masalasida hamma o'ylaganlarimiz amalga oshmadi. Biz musobaqa davomida bu kamchilikni to'g'rilashda davom etamiz. Hujumda ko'proq ijodkorlik bo'lishini istagan bo'lardim. - Hakamlik masalasida nima deya olasiz?
- Men hakam borasida hech narsa deya olmayman. O'yinni hamma tomosha qildi. shunday ekan muxlislar, mutaxassislar va jurnalistlar bu savolga javob bera qolishsin.
— deya xabar beradi uff.uz nashri.